ორბელიანების სასახლესთან ექსპრეზიდენტ მიხეილ სააკაშვილის მხარდამჭერი აქცია „სიცოცხლისთვის!“ დასრულდა.

აქციის მონაწილეები მოითხოვდნენ, რომ საქართველოს ყოფილი პრეზიდენტი, მიხეილ სააკაშვილი ჯანმრთელობის მდგომარეობის გაუარესების გამო, სამკურნალოდ მრავალპროფილურ კლინიკაში გადაეყვანათ.

აქციის მონაწილეები აცხადებდნენ, რომ მიხეილ სააკაშვილის ჯანმრთელობის მდგომარეობა დამძიმდა და სამკურნალოდ, საზღვარგარეთ გადაყვანას საჭიროებს.

აქციაზე იმყოფებოდნენ მიხეილ სააკაშვილის ოჯახის წევრები, მისი მხარდამჭერები, აქტივისტები და პოლიტიკოსები. ისინი მიხეილ სააკაშვილის სიცოცხლეზე პასუხისმგებლობას ხელისუფლებას აკისრებენ და აცხადებენ, რომ მოთხოვნის შესრულებამდე, საპროტესტო აქციები მუდმივად გაგრძელდება.

დღევანდელ აქციაზე მიხეილ სააკაშვილის სიტყვით გამოსვლები გაიხსენეს, რასაც ტაშითა და ოვაციებით შეხვდნენ.

ორბელიანების სასახლის მიმდებარედ აქციის გამო, გაძლიერებული იყო უსაფრთხოების ზომები.