შრომის უსაფრთხოების სპეციალისტის აკრედიტებული პროგრამის მიზნებისთვის, აკრედიტაციის კომისიის სხდომა გაიმართა. ამის შესახებ ინფორმაციას ჯანდაცვის სამინისტრო ავრცელებს.მათივე ცნობით, კომისიის წევრებმა შრომის უსაფრთხოების სპეციალისტის აკრედიტებული პროგრამის საგამოცდო ცენტრის შერჩევისა და სწავლების განმახორციელებელი ორგანიზაციის სტატუსის მაძიებელთა აკრედიტაციის საკითხები განიხილეს.

„კომისიამ, აკრედიტებული საგამოცდო ცენტრის შერჩევის მიზნით, ღია კონკურსში მონაწილე 2 საგამოცდო ცენტრის თაობაზე იმსჯელა. ასევე, განიხილა სტატუსის მაძიებელი აკრედიტაციის მინიჭების საკითხი, იმ 14 სასწავლო ორგანიზაციისთვის, რომელთა მიერ წარმოდგენილი დოკუმენტაცია აკრედიტაციის კომისიის სამდივნომ წინასწარ შეისწავლა და ადგილზე შეამოწმა, ფორმალური მოთხოვნებთან შესაბამისობის დადგენის მიზნით.

აკრედიტირებულ პროგრამაზე სწავლების განხორციელების უფლება 3 წლის ვადით გაიცემა”,- ნათქვამია ინფორმაციაში.