საპენსიო სააგენტოს ინიციატივით და ევროკომისიის ტექნიკური დახმარებისა და ინფორმაციის გაცვლის ინსტრუმენტის (TAIEX) მხარდაჭერით, მიმდინარე წლის 4-5 მაისს, ორდღიანი ონლაინკონფერენცია ჩატარდა თემაზე: „საპენსიო რისკების მართვა და კონტროლი".
საპენსიო სააგენტოს მიერ გავრცელებული ინფორმაციით, ევროპელმა ექსპერტებმა, საპენსიო სააგენტოს წარმომადგენლებს საოპერაციო და საინვესტიციო რისკების მართვასთან დაკავშირებით საერთაშორისო პრაქტიკა და გამოცდილება გაუზიარეს.
„ღონისძიების ფარგლებში მხარეებმა ისაუბრეს საპენსიო ფონდის მართვის და შიდა კონტროლის მექანიზმებზე, საინვესტიციო პოლიტიკის პრინციპებზე, რისკების ეფექტური მართვის მეთოდოლოგიებსა და პროცედურებზე, ასევე, შიდა აუდიტის და ანგარიშგების სისტემებზე“, - ნათქვამია სააგენტოს მიერ გავრცელებულ ინფორმაციაში.