მაკა ბოჭორიშვილმა და ლევან ქარუმიძემ ევროპარლამენტში შეხვედრები გამართეს

ევროპასთან ინტეგრაციის კომიტეტის თავმჯდომარემ, მაკა ბოჭორიშვილმა და თავმჯდომარის პირველმა მოადგილემ, ლევან ქარუმიძემ 2-5 მაისს, სტრასბურგში სამუშაო ვიზიტის ფარგლებში, ევროპარლამენტარებთან შეხვედრები გამართეს.

საქართველოს პარლამენტის მიერ გავრცელებული ინფორმაციით, შეხვედრებზე, ძირითადი ყურადღება გამახვილდა საქართველოს მიერ ევროკავშირის წევრობაზე გაკეთებული განაცხადის საკითხზე და კანდიდატი ქვეყნის სტატუსის მინიჭების პროცესში ევროპარლამენტის მხრიდან აქტიური მხარდაჭერის საჭიროებაზე.

„განხილული იქნა ასევე, ევროკომისიის კითხვარის შევსების პროცესი, რომლის პირველი ნაწილიც ევროკომისიას 2 მაისს გადაეცა. ისაუბრეს ასევე კითხვარის შემდგომ ეტაპებზე. ევროპელმა კოლეგებმა ასოცირებულ პარტნიორებთან უფრო მჭიდრო თანამშრომლობის საჭიროებას და ევროკავშირის წევრობის კანდიდატის სტატუსის დაუყოვნებლივ მინიჭების მნიშვნელობას გაუსვეს ხაზი.

შეხვედრებზე ასევე განიხილეს უკრაინაში რუსეთის სამხედრო აგრესიის შედეგად რეგიონში შექმნილი ვითარება, საქართველოს უსაფრთხოების გამოწვევები და ოკუპირებულ რეგიონებში არსებული მდგომარეობა. საქართველოს პარლამენტის წევრებმა ევროპელ კოლეგებს მადლობა გადაუხადეს ევროპარლამენტის ანგარიშებში და პლენარულ სესიებზე გამართულ დებატებში საქართველოს საკითხის აქტიურად წარმოჩენისთვის და მხარდაჭერისთვის. ევროპარლამენტარებმა საქართველოს ევროკავშირში ინტეგრაციის გზაზე მტკიცე მხარდაჭერა კიდევ ერთხელ გამოხატეს და თანამშრომლობის ახალი მიმართულებების განვითარების მზაობა დააფიქსირეს.

საქართველოს პარლამენტის წევრებმა შეხვედრები გამართეს ევროპარლამენტის საქართველო-ევროკავშირის საპარლამენტო ასოცირების კომიტეტის თანათავმჯდომარესთან, მარინა კალიურანდთან; ევრონესტის საპარლამენტო ასამბლეის თანა პრეზიდენტ ანდრიუს კუბილიუსთან; საქართველოს საკითხზე ევროპარლამენტის მომხსენებელთან, სვენ მიკსერთან; ევრონესტის საპარლამენტო ასამბლეაში აღმოსავლეთ პარტნიორობის სამუშაო ჯგუფის თანათავმჯდომარესთან, ნაჩოსანჩეზ ამორთან; ევროპარლამენტში რუსეთის დელეგაციის ხელმძღვანელთან, რიხარდ ჩარნეცკისთან; თავდაცვისა და უსაფრთხოების ქვეკომიტეტის თავმჯდომარის მოადგილესთან, ლუკას მანდლთან და ქვეკომიტეტის წევრთან, ელენა იონჩევასთან; საგარეო ურთიერთობათა კომიტეტის (AFET) წევრებთან მიხალ გალერთან, თეის როიტენთან, ბერნარდ გეტასთან, იააკ მადისონთან და მირიამ ლექსმანთან, ასევე, ევროპარლამენტში სხვადასხვა პოლიტიკური ჯგუფისა და კომიტეტის წევრებთან“, - ნათქვამია გავრცელებულ ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს