ვოლოდიმირ ზელენსკიმ ჯორჯ ბუში უკრაინაში მიიწვია

უკრაინის პრეზიდენტმა ვოლოდიმირ ზელენსკიმ ამერიკის შეერთებული შტატების 43-ე პრეზიდენტთან, ჯორჯ ბუშთან ვიდეო-კონფერენცია გამართა. ამის შესახებ ინფორმაციას უკრაინის პრეზიდენტის ადმინისტრაცია ავრცელებს.

,,დიდი პატივია თქვენთან შეხვედრა. მადლობა მინდა გადავუხადო ამერიკის შეერთებულ შტატებს, ამერიკელ ხალხს, ვნახე, შეერთებულ შტატებში ადამიანები სოციალურ ქსელებში როგორ გვეპყრობიან, ქუჩებში გამოდიან, უკრაინას დროშებით მხარს უჭერენ", - განაცხადა უკრაინის პრეზიდენტმა.

ჯორჯ ბუშმა ვოლოდიმირ ზელენსკის და მთელ უკრაინელ ხალხს აგრესორის წინააღმდეგ ბრძოლაში მხარდაჭერა გამოუცხადა.

,,თქვენი სიმამაცე შემდგომი წარმატებისთვის ძალიან მნიშვნელოვანია. თუ გააგრძელებთ იმას, რასაც აკეთებთ, ყოველთვის გექნებათ ჩვენი მხარდაჭერა, თუ განაგრძობთ ბრძოლას ისე, როგორც ახლა. თქვენს ქვეყანაში შემოიჭრა ძალები, რომელთაც უდანაშაულო ადამიანების მოკვლა სურთ და ის ფაქტი, რომ თქვენ მტკიცედ დგახართ, ამერიკელებს შთააგონებს", - განაცხადა ბუშმა.

უკრაინის პრეზიდენტის ადმინისტრაციის ინფორმაციით, ვოლოდიმირ ზელენსკიმ აშშ-ს 43-ე პრეზიდენტი უკრაინაში მიიწვია.

კონფერენციას გამოეხმაურა "ტვიტერზე" ჯორჯ ბუში.

,,ჩემთვის დიდი პატივი იყო ამ დილით, პრეზიდენტ ზელენსკისთან, ჩვენი დროის უინსტონ ჩერჩილთან რამდენიმე წუთით საუბარი. პრეზიდენტს ლიდერობისთვის, მისი მაგალითისთვისა და თავისუფლებისადმი ერთგულებისთვის მადლობა გადავუხადე და უკრაინელი ხალხის გამბედაობას მივესალმე", - წერს ბუში

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა
4-5 ივნისს თბილისის საკონცერტო დარბაზში „ერისიონი“ ახალი პროგრამით წარდგება
IF Design-ის 2022 წლის ღონისძიებაზე ჰიუნდაიმ 9 ჯილდო მოიპოვა
რომელ Galaxy A სმარტფონს ირჩევ შენ?
ვებსტერის უნივერსიტეტსა და თიბისის შორის მემორანდუმი გაფორმდა
ლიბერთი ბანკი - დიდი პასუხისმგებლობა და პატივია უნიკალური ინფრასტრუქტურით მოვემსახუროთ სოციალური გასაცემლების მიმღებ პირებს