საკრებულოში აჰმედ ჯავადის დაბადებიდან 130 წლისადმი მიძღვნილი ღონისძიება გაიმართა

თბილისის საკრებულოს ეთნიკური უმცირესობების საკოორდინაციო საბჭოს ინიციატივით, საკრებულოში აჰმედ ჯავადის დაბადებიდან 130 წლისადმი მიძღვნილი ღონისძიება გაიმართა. ინფორმაციას თბილისის საკრებულოს პრესსამსახური ავრცელებს.

მათი ცნობით, ღონისძიება „აჰმედ ჯავადი-კალმის უკვდავი რაინდი“ საკრებულოს წევრმა ნინო რუხაძემ გახსნა, რომელმაც პოეტის ცხოვრებასა და მოღვაწეობაზე ისაუბრა.

როგორც საკრებულოში აღნიშნავენ, აჰმედ ჯავადის დაბადებიდან 130 წლის იუბილესადმი მიძღვნილი ღონისძიება საქართველოსა და აზერბაიჯანის ჰიმნით გაიხსნა.

საღამოს მირზა ფათალი ახუნდოვის სახელობის აზერბაიჯანის კულტურის ცენტრის დირექტორი, ლეილა ალიევა უძღვებოდა.

საკრებულოს თავმჯდომარემ გიორგი ტყემალაძემ სტუმრებს მისასალმებელი სიტყვით მიმართა და პოეტის 130 წლის იუბილე მიულოცა.

„დღეს ვიხსენებთ დიდ აზერბაიჯანელ პოეტსა და საზოგადო მოღვაწეს აჰმედ ჯავად ახუნდ ზადეს. ჩვენთვის დიდი პატივია, რომ ასეთმა შემოქმედმა შექმნა მჭიდრო კულტურული კავშირი ქართველ და აზერბაიჯანელ ხალხებს შორის. დღევანდელი ღონისძიება არის კიდევ ერთი შესაძლებლობა, რომ გამოვხატოთ და დავადასტუროთ კეთილმეგობრული დამოკიდებულება აზერბაიჯანელი ხალხის მიმართ.“ განაცხადა გიორგი ტყემალაძემ.

თბილისის საკრებულოს პრესსამსახურის ცნობით, ღონისძიებაზე სიტყვით გამოვიდნენ აზერბაიჯანის ელჩის პირველი მოადგილე ელდარ ბაირამოვი, ივანე ჯავახიშვილის სახელობის თბილისის სახელმწიფო

უნივერსიტეტის ჰუმანიტარულ მეცნიერებათა ფაკულტეტის კავკასიოლოგიის სასწავლო-სამეცნიერო ინსტიტუტის ხელმძღვანელი მერაბ ჩუხუა, მწერალი/თბილისის საკრებულოს განათლებისა და კულტურის კომისიის აპარატის უფროსი ირაკლი შამათავა, ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ასოცირებული პროფესორი ნიკოლოზ ჯავახიშვილი.

აღსანიშნავია, რომ აჰმედ ჯავადი აზერბაიჯანის სრულუფლებიანი ელჩი იყო საქართველოში, დაწერილი აქვს არაერთი ლექსი საქართველოზე და ასევე აზერბაიჯანული ჰიმნის ტექსტის ავტორია.

ფარხატ მამედოვი -  აზერბაიჯანის ხელისუფლება ცდილობს შექმნას პირობები, რომ მთიან ყარაბაღში მცხოვრებმა მოსახლეობამ მიიღოს გადაწყვეტილება დარჩნენ ყარაბაღში, როგორც აზერბაიჯანის მოქალაქეები
გიორგი ანთაძე - ეროვნული ბანკის გარშემო განვითარებული მოვლენები კიდევ ერთხელ ცხადყოფს რამდენად მეორეხარისხოვანია ეროვნული ინტერესები ქართულ პოლიტიკურ რეალობაში
ქართული პრესის მიმოხილვა 21.09.2023
საგარეო უსაფრთხოების საშინაო განზომილება: დანიშნულება და სპეციფიკა
ტერაბანკმა მცირე და საშუალო ბიზნესის გაციფრულების პლატფორმა Saasargeblo.ge წარადგინა
სადისტრიბუციო კომპანია მზიური BDO Digital-თან პარტნიორობით თანამედროვე ERP სისტემას ნერგავს
TKT.GE განცხადებას ავრცელებს
განსაკუთრებული შეთავაზება „ჰიუნდაის“ ბესტსელერ მოდელზე  30 ოქტომბრამდე გრძელდება
კურორტ გოდერძიზე „ალიანს ჯგუფმა“ ახალი ტიპის კომპლექსს ჩაუყარა საფუძველი