ირაკლი ლექვინაძე ბერლინში კონკურენციის 21-ე საერთაშორისო კონფერენციას ესწრება

საქართველოს კონკურენციის ეროვნული სააგენტოს თავმჯდომარე, ირაკლი ლექვინაძე ბერლინში - გერმანიის ფედერაციული რესპუბლიკის კონკურენციის უწყების, ICN-ის მიერ ორგანიზებულ 21-ე საერთაშორისო კონფერენციას ესწრება.

კონკურენციის ეროვნული სააგენტოს ინფორმაციით, ღონისძიებაში მონაწილეობენ: გერმანიის ფედერაციული რესპუბლიკის კონკურენციის ორგანოს პრეზიდენტი, ანდრეა მუნდტი; გაეროს ვაჭრობისა და განვითარების კონფერენციის (UNCTAD) კონკურენციისა და მომხმარებელთა პოლიტიკის მიმართულების ხელმძღვანელი, ტერეზა მორეირა; ჯორჯ ვაშინგტონის უნივერსიტეტის სამართლის სკოლის პროფესორი, უილიამ კოვაჩიჩი; ევროპის საბჭოს აღმასრულებელი ვიცე-პრეზიდენტი, მარგრეტ ვესტაგერი; აშშ-ს ფედერალური სავაჭრო კომისიის, კონკურენციის ბიუროს დირექტორი, ჰოლი ვედოვა და ა.შ.

კონფერენციის ფარგლებში განიხილება შემდეგი საკითხები: კონკურენციის შემზღუდველი შეთანხმებები - მექანიზმები და პროცესები; პრიორიტეტები, ახალი ტენდენციები და პანდემიის შედეგად მიღებული გამოწვევები; კონკურენციის პოლიტიკის ეფექტიანი აღსრულების მექანიზმები და საერთაშორისო მიდგომები; სექტორის მარეგულირებელ და საჯარო ორგანიზაციებთან თანამშრომლობის მეთოდები; სახელმწიფო შესყიდვებში ფარული გარიგებების გამოვლენისა და მათთან ბრძოლის საკითხები; მომხმარებელთა უფლებების დაცვა, კონფიდენციალურობა და კონკურენციის სამართლი ციფრულ ბაზრებზე და სხვა.

კონფერენციას - 70 ქვეყნიდან, 350-მდე მონაწილე ესწრება. მათ შორის, სხვადასხვა ქვეყნის კონკურენციის უწყების ხელმძღვანელი პირები, ევროპარლამენტარები, სამთავრობო და საერთაშორისო ორგანიზაციების წარმომადგენლები, იურისტები და ეკონომიკური დარგის ექსპერტები, აკადემიური წრის წარმომადგენლები და ა.შ.

სამუშაო ვიზიტის ფარგლებში, დაგეგმილია საქართველოს კონკურენციის ეროვნული სააგენტოს თავმჯდომარის, ირაკლი ლექვინაძის სამუშაო შეხვედრა გერმანიის ფედერაციული რესპუბლიკის კონკურენციის ორგანოს პრეზიდენტთან, ანდრეას მუნდტთან. ასევე, ორმხრივი შეხვედრებია დანიშნული სხვადასხვა ქვეყნის კონკურენციის უწყების ხელმძღვანელ პირებთან.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს