პარტიამ “ხალხისთვის” პარლამენტთან აქცია-პერფორმანსი გამართა, რითაც რუსეთის მოქალაქეების მიერ უძრავი ქონების შეძენა გააპროტესტა

პარტიამ “ხალხისთვის” პარლამენტთან აქცია-პერფორმანსი გამართა, რითაც რუსეთის მოქალაქეების მიერ უძრავი ქონების შეძენა გააპროტესტა.

პარტიის მიერ გავრცელებული ინფორმაციის მიხედვით, აქცია პერფორმანსის დროს მათ ადგილზე მიიტანეს მავთულხლართები, სადაც ის მონაცემები იყო დატანილი, რომელიც რუსეთის მოქალაქეების მიერ ეკონომიკურ ექსპანსიას გამოხატავს.

“საქართველოს პარლამენტი თავს არიდებს და გულგრილია ეკონომიკური ოკუპაციის მიმართ,” - განაცხადა პარტია “ხალხისთვის” ლიდერმა, ანა დოლიძემ.

ამასთან, პარტიის ცნობით, მათ 10 000-ზე მეტი ხელმოწერა შეაგროვეს და ხელმოწერების საფუძველზე საკანონმდებლო წინადადება წარადგინეს, რომლითაც ისინი საქართველოს ბინადრობის მოსაპოვებლად გადასახდელი ზღვრის გაზრდასა და რუსეთის მოქალაქეებისთვის უძრავი ქონების მიყიდვასთან დაკავშირებით დროებითი მორატორიუმის გამოცხადებას ითხოვენ.

ანა დოლიძის თქმით, იმის ფონზე, რომ, თითქმის 1 თვეა გასული საკანონმდებლო წინადადების შეტანიდან, პარლამენტის მხრიდან რეაგირება არ ხდება. ამის პარალელურად კი, მათთვის ცნობილი ხდება ინფორმაცია, რომ რუსეთის მოქალაქეებმა იანვრიდან - მარტის თვემდე 500- მდე უძრავი ქონება უკვე შეიძინეს.

„რა თქმა უნდა, ეს ციფრი რეალურად უფრო მეტია. შესაბამისად, ჩვენი წინადადების საკითხი კიდევ უფრო მწვავდება. ამ ყველაფრის მიუხედავად, საქართველოს პარლამენტისგან ვერ ვიღებთ ვერავითარ რეაგირებას, გარდა დუმილისა. ახლა საჭიროა მთავრობის მოქმედება პოტენციური ეკონომიკური ოკუპაციის წინააღმდეგ. ჩვენ აქ შევიკრიბეთ დღეს იმისათვის, რომ კიდევ ერთხელ მოვთხოვოთ საქართველოს პარლამეტს, იმოქმედონ დროულად ეკონომიკური ოკუპაციის თავიდან ასაცილებლად,” - განაცხადა დოლიძემ.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა