კახა კალაძის განცხადებით, მეტროსადგური „გოცირიძე“ სარეაბილიტაციო სამუშაოების დასრულების შემდეგ აღდგება

თბილისის მერის კახა კალაძის განცხადებით, მეტროსადგური „გოცირიძე“ სარეაბილიტაციო სამუშაოების დასრულების შემდეგ აღდგება.

როგორც მან ჟურნალისტებს განუცხადა, სამუშაოები იმიტომ გახანგრძლივდა, რომ არსებული ბაქანი ავარიული იყო.

"სარეაბილიტაციო სამუშაოები მინდინარეობს, როგორც კი დამთავრდება, გაიხსნება. არსებული ბაქნის ავარიულობის გამო, რეაბილიტაციას არ ექვემდებარებოდა, რაც დასკვნის საფუძველზე გამოიკვეთა. როდესაც გეუბნებიან, რომ რეაბილიტაციას ვერ ექვემდებარება, კეთილი უნდა ინებო და ახალი უნდა გააკეთო, რადგან უამრავი ადამიანი მგზავრობს მეტროთი, ასი თასობით ადამიანი გადაყავს დღის განმავლობაში და უსაფრთხოება მნიშვნელოვანია“,-განაცხადა კალაძემ.

ცნობისთვის, მეტროსადგური „გოცირიძე“ მგზავრებს 2021 წლის 8 თებერვლიდან ვერ ემსახურება. მოძრავი შემადგენლობები თბილისის მეტროს პირველ ხაზზე, მეტროსადგურზე „გოცირიძე“ არ ჩერდებიან. მიმდინარე სრულმასშტაბიანი სარემონტო-სარეკონსტრუქციო სამუშაოების გამო, თავდაპირველად, სადგურის სამი თვის განმავლობაში დაკეტვა იყო დაანონსებული, თუმცა, მოგვიანებით ეს ვადა გახანგრძლივდა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს