რევაზ სოხაძე - თბილისის საკრებულო ავარიული კორპუსების ჩანაცვლების  წესს დაამტკიცებს, რაც ჩვენი ქალაქისთვის ნამდვილად ისტორიული გადაწყვეტილებაა

დღეს თბილისის საკრებულო დედაქალაქისთვის ისტორიულ გადაწყვეტილებას - ავარიული სახლების ჩანაცვლების წესს მიიღებს. მოხარული ვარ, რომ გახლავართ იმ გუნდის წევრი, რომელმაც კახა კალაძის მერობის პერიოდში, პრობლემის მოსაგვარებლად, რომელიც ჩვენს ქალაქს ბოლო 30 წელია აწუხებს, ქმედითი ნაბიჯები გადადგა, - ამის შესახებ თბილისის საკრებულოს ურბანული დაგეგმარებისა და საქალაქო მეურნეობის კომისიის თავმჯდომარემ რევაზ სოხაძემ განაცხადა.

მან იმ კონკრეტულ ნაბიჯებზე ისაუბრა, რომელიც ავარიული კორპუსების ჩანაცვლებასთან დაკავშირებით, ამ დროისთვის უკვე გადადგმულია.

„უკვე რამდენიმე თვეა, ამ მიმართულებით, აქტიური მუშაობა მიმდინარეობს. მიმდინარე წლის ბიუჯეტში აღნიშნული პროგრამის განსახორციელებლად საკმაოდ სოლიდური თანხაა გამოყოფილი, რაც მომავალ წელს კიდევ უფრო გაიზრდება. დღეს საკრებულო ავარიული კორპუსების ჩანაცვლების წესს დაამტკიცებს, რაც ჩვენი ქალაქისთვის ნამდვილად ისტორიული გადაწყვეტილებაა.

დღევანდელი გადაწყვეტილების გამო, ორმაგად მოხარული ვარ, რადგან სამგორის რაიონში, რომლის მაჟორიტარი დეპუტატიც გახლავართ, ეს პრობლემა ყველაზე მწვავედ დგას. ხალხი მოუთმენლად ელოდება, თუ როდის დაიწყება პროექტის განხორციელება. დარწმუნებული ვარ, რომ პროექტი, რომლის განხორციელებაც კახა კალაძის მერობის პერიოდში, ჩვენი გუნდის დიდი ძალისხმევით დაიწყო, სწრაფი ტემპებით გაგრძელდება და რაღაც დროის შემდეგ, თბილისში ავარიული კორპუსები აღარ იქნება“,- განაცხადა რევაზ სოხაძემ.

ინფორმაციას თბილისის საკრებულოს პრესსამსახური ავრცელებს.

თენგიზ ცერცვაძე - როცა გადადგომაზე განცხადება დავწერე, არ მჯეროდა, მეგონა სიზმარში ვიყავი, რომ მილიარდის გაფლანგვას და ადამიანების ჩახოცვას გვაბრალებდნენ
ქართული პრესის მიმოხილვა 12.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
ლიზინგი, როგორც ფინანსური ბაზრის შემადგენელი ნაწილი და მისი განვითარების პერსპექტივები საქართველოში
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო