საქართველოს პარლამენტის წევრი გიორგი ხოჯევანიშვილი სტუდენტური პარლამენტის წევრებს შეხვდა.
საქართველოს პარლამენტის ინფორმაციით, შეხვედრაზე რუსეთის მხრიდან უკრაინაში განხორციელებულ სამხედრო აგრესიაზე და რეგიონში მიმდინარე პროცესებზე იმსჯელეს. დეპუტატმა ასევე, ახალგაზრდებთან, საქართველოს ევროკავშირში ინტეგრაციის საკითხები მიმოიხილა.
მათივე ცნობით, გიორგი ხოჯევანიშვილმა, სტუდენტებთან საუბრისას ყურადღება ახალგაზრდულ ინიციატივებსა და მათ საპარლამენტო საქმიანობაში ჩართვის მნიშვნელობასა და აუცილებლობაზე გაამახვილა.
ყურადღება ჩვენი ქვეყნის ტურისტულ პოტენციალს და ეკონომიკური გაძლიერებისთვის ტურიზმის განვითარების მნიშვნელობას დაეთმო.
დეპუტატმა სტუდენტებს „ახალგაზრდობის სააგენტოს" და მათი საქმიანობის შესახებ ინფორმაცია მიაწოდა.
„ძალიან სასიამოვნოა, როდესაც ახალგაზრდების მხრიდან ასეთი საინტერესო მიდგომები იგრძნობა. ახალგაზრდების ჩართულობა და აქტიურობა ჩვენი ქვეყნისთვის უკიდურესად მნიშვნელოვანია. მე გამოვხატავ მზაობას, რომ მომავალში თითოეული ახალგაზრდის გვერდით ვიყო," - განაცხადა გიორგი ხოჯევანიშვილმა.