გენადი არველაძე - ონლაინ პლატფორმა, რომელიც შეიქმნა ევროკავშირისა და აღმოსავლეთ პარტნიორობის ბაზრებზე წვდომის ხელშეწყობისთვის, მიზნად ისახავს 380 მილიონ ევროზე მეტი ღირებულების არარეალიზებული საექსპორტო პოტენციალის ამოქმედებას

საერთაშორისო სავაჭრო ცენტრმა, ევროკავშირისა და საქართველოს ეკონომიკისა და მდგრადი განვითარების სამინისტროს მხარდაჭერით, „აღმოსავლეთ პარტნიორობის Trade Helpdesk-ის" ქართულენოვანი პლატფორმის პრეზენტაცია გამართა, რომელსაც საჯარო და კერძო სექტორის წარმომადგენლები დაესწრნენ. ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს.

უწყების ცნობით, პრეზენტაციაზე სიტყვით გამოვიდა ეკონომიკისა და მდგრადი განვითარების მინისტრის მოადგილე გენადი არველაძე.

მისი თქმით, ონლაინ - პლატფორმა შემუშავდა ევროკავშირის მიერ დაფინანსებული რეგიონული პროექტის ფარგლებში, რომელიც მიზნად ისახავს 380 მილიონ ევროზე მეტი ღირებულების საქართველოს არარეალიზებული საექსპორტო პოტენციალის ამოქმედებას აღმოსავლეთ პარტნიორობის რეგიონსა და ევროკავშირში.

„პროგრამა კონკრეტულად ემსახურება მცირე და საშუალო მეწარმეების ხელშეწყობას, მათ წვდომას ინფორმაციაზე. კონკრეტულად, როდესაც ისინი აღმოსავლეთ პარტნიორობისა და ევროკავშირის ბაზრებზე პროდუქციის განთავსებას შეეცდებიან, მათთვის ხელმისაწვდომი იქნება ნებისმიერი ინფორმაცია აღნიშნულ პლატფორმაზე, ასევე იქნება „ერთი ფანჯრის" პრინციპი, როდესაც მეწარმეებს ექნებათ დაინტერესება კონკრეტული პროდუქტების მიმართ, თუ რა მოთხოვნები არსებობს ამ პროდუქტებზე", - აღნიშნა გენადი არველაძემ.

მინისტრის მოადგილის თქმით, საძიებო სისტემა ასევე საშუალებას იძლევა, რომ ხელმისაწვდომი იყოს ინფორმაცია ყველა საკანონმდებლო აქტზე, ასევე ნებისმიერ მოთხოვნაზე, რომელიც ამა თუ იმ პროდუქტთან მიმართებაში არსებობს.

„ეს გაამარტივებს პროცედურებს, რომელიც საჭიროა ევროკავშირისა და აღმოსავლეთ პარტნიორობის ბაზრებზე წვდომასთან დაკავშირებით", - განაცხადა არველაძემ.

„აღმოსავლეთი პარტნიორობის Trade Helpdesk"-ის ქართულენოვანი პლატფორმა https://eap.tradehelpdesk.org/ka ბმულის მეშვეობით უფასოდ არის ხელმისაწვდომი. მის მომხმარებლებს საშუალება ექნებათ, აღმოაჩინონ ახალი შესაძლებლობები აღმოსავლეთ პარტნიორობისა და ევროკავშირის ქვეყნებში - როგორც პროდუქტების, ისე მიზნობრივი ბაზრების კუთხით, ასევე, გაიგონ საბაზრო პირობები პროდუქტებისა და ქვეყნების კონკრეტულ კომბინაციათა შესახებ და შეძლონ, მოიძიონ ბიზნესპარტნიორები.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 26.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
PSP-ს გუნდი ფუტსალის ლიგის 1/2 ფინალშია
ბაზისბანკმა ბიზნესში 305 მილიონი ლარის ინვესტიცია განახორციელა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა