საქართველოს პარლამენტთან საპროტესტო აქცია, სახელწოდებით, "9 მაისი რუსეთის სირცხვილის დღე" დასრულდა.
აქციის მონაწილეებმა უკრაინის მხარდამჭერი ბანერები და პლაკატები გაშალეს და რუსეთის აგრესია დაგმეს. აქციის მონაწილეები დარწმუნებული არიან, რომ უკრაინა რუსეთის აგრესიას დაამარცხებს და უკრაინა გაიმარჯვებს.
დღევანდელ აქციაზე ე.წ ფლეშმობის სახით რამდენჯერმე შესრულდა უკრაინის მხარდამჭერი სიმღერები, ასევე გაჟღერდა საქართველოს ჰიმნი.
გარდა ამისა, აქციის მონაწილეებმა უკრაინაში დაღუპული ქართველი მებძროლების ფოტოსურათები მიიტანეს და მათ ხსოვნას ყვავილების თაიგულით მიაგეს პატივი.
აქციის ორგანიზატორები იყვნენ: ომიდან ჩამოსული უკრაინელები, ორგანიზაცია „სვიტანოკი“, „დროა“, „დემოკრატიის მცველები“.