ახალციხის თოჯინების პროფესიული სახელმწიფო თეატრი მაყურებელს ახალი სპექტაკლით - „ესმამ დაქოქა მანქანა“ უმასპინძლებს

გაეროს მოსახლეობის ფონდის (UNFPA) საქართველოს ოფისის ინფორმაციით, ახალციხის თოჯინების პროფესიული სახელმწიფო თეატრი მაყურებელს ახალი სპექტაკლით - „ესმამ დაქოქა მანქანა“ უმასპინძლებს, რომელიც UNFPA-ს საქართველოს ოფისის ინიციატივით მომზადდა.

მათივე ცნობით, UNFPA-ს საქართველოს ოფისსა და სსიპ საქართველოს თოჯინების პროფესიული სახელმწიფო თეატრების გაერთიანებას შორის ურთიერთგაგების მემორანდუმი გაფორმდა. მემორანდუმს ხელი UNFPA-ს საქართველოს ოფისის ხელმძღვანელმა, ლელა ბაქრაძემ და გაერთიანების ხელმძღვანელმა, ნიკოლოზ საბაშვილმა მოაწერეს.

„მემორანდუმი მიზნად ორგანიზაციებს შორის თანამშრომლობის გაღრმავებას, ბავშვებისა და მშობლებისთვის განკუთვნილი, კულტურულად მგრძნობიარე და ასაკის შესაბამისი სპექტაკლების მომზადებას და ამ გზით, გენდერული თანასწორობის მიღწევის და საზიანო პრაქტიკების პრევენციის ხელშეწყობას ისახავს.

მემორანდუმის ხელმოწერის შემდგომ, ახალციხის თოჯინების პროფესიულ სახელმწიფო თეატრში სპექტაკლის „ესმამ დაქოქა მანქანა“ საპრემიერო წარმოდგენა გაიმართა. გაეროს მოსახლეობის ფონდისა და სსიპ საქართველოს თოჯინების პროფესიული სახელმწიფო თეატრების გაერთიანების თანამშრომლობის ფარგლებში, სპექტაკლი თეატრის რეგულარული რეპერტუარის ნაწილი გახდება და მისი ჩვენებები, პირველ ეტაპზე, სამცხე-ჯავახეთის მასშტაბით გაიმართება.

სპექტაკლის რეჟისორია თეატრალური პრემია „დურუჯის“ ლაურეატი ელენე მაცხონაშვილი, ხოლო პიესა ლიტერატურული პრემია „საბას“ ლაურეატ დრამატურგს, ალექს ჩიღვინაძეს ეკუთვნის.

სპექტაკლი პროგრამის “გენდერული ნიშნით სქესის შერჩევისა და მასთან დაკავშირებული მავნე პრაქტიკების დასაძლევად სამხრეთ კავკასიაში“ ფარგლებში მომზადდა, რომელიც გაეროს მოსახლეობის ფონდის (UNFPA) მიერ, ევროკავშირის მხარდაჭერით ხორციელდება,“ - აღნიშნულია ინფორმაციაში.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს