ათეასა და სახელმწიფო პარტნიორებს შორის ურთიერთთანამშრომლობის მემორანდუმები გაფორმდა

სასტუმრო "ბილტმორში" საქართველოს ადგილობრივ თვითმმართველობათა ეროვნული ასოციაციის კონფერენცია „გენდერული თანასწორობის პოლიტიკა ადგილობრივ დონეზე: ძირითადი გამოწვევები და სამოქმედო ნაბიჯები“ გაიმართა. ამის შესახებ ინფორმაციას თბილისის საკრებულო ავრცელებს.

მათივე ინფორმაციით, ღონისძიების ფარგლებში, ადგილობრივ თვითმმართველობათა ეროვნულ ასოციაციასა და საქართველოს მთავრობის ადმინისტრაციას, ასევე ათეასა (ადგილობრივ თვითმმართველობათა ეროვნული ასოციაცია) და საქართველოს ფინანსთა სამინისტროს აკადემიას შორის ურთიერთთანამშრომლობის ორი მემორანდუმი გაფორმდა.

მემორანდუმებს ხელი თბილისის საკრებულოს თავმჯდომარემ, საქართველოს ადგილობრივ თვითმმართველობათა ეროვნული ასოციაციის აღმასრულებელი საბჭოს წევრმა გიორგი ტყემალაძემ, ადამიანის უფლებათა დაცვის საკითხებში საქართველოს პრემიერ-მინისტრის მრჩეველმა ნიკო თათულაშვილმა და საქართველოს ფინანსთა სამინისტროს აკადემიის დირექტორმა ტარიელ ჭულუხაძემ მოაწერეს.

მემორანდუმების თანახმად, მხარეები აღმასრულებელ და ადგილობრივ ხელისუფლებას შორის ურთიერთთანამშრომლობის გაღრმავების შესახებ თანხმდებიან. ამასთან, გაფორმებული მემორანდუმები ადამიანის უფლებათა დაცვის სისტემური მექანიზმების გაუმჯობესებასა და ადამიანის უფლებებზე დაფუძნებული პოლიტიკის განხორციელებას, ეფექტიან საქმიანობას, ადგილობრივ დონეზე ადამიანის უფლებათა დაცვის ეროვნული სტრატეგიისა და სამთავრობო სამოქმედო გეგმების განხორციელების პროცესის გაღრმავებას, ასევე მუნიციპალიტეტების აღმასრულებელ და წარმომადგენლობით ორგანოებში ადამიანური რესურსების გაძლიერებას ისახავს მიზნად.

ამას გარდა, ადგილობრივ თვითმმართველობათა ეროვნულ ასოციაციასა და სახელმწიფო პარტნიორებს შორის გაფორმებული ხელშეკრულებები გენდერული ბიუჯეტირების საკითხებსაც ითვალისწინებს.

ეკატერინე ციმაკურიძე - როცა ტელევიზიის ხელმძღვანელს ასამართლებენ სრულიად არადამაჯერებელი მართლმსაჯულებით, ეს ნამდვილად არაა დასავლური მისწრაფება, ხელისუფლება კი ამბობს, რომ აქვს ევროატლანტიკური კურსი, მაგრამ საქმით სხვა რამეს ამტკიცებს
ქართული პრესის მიმოხილვა 16.05.2022
მუსიკათერაპია, როგორც ბედნიერების ტრენინგი
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო