გიორგი ხოჯევანიშვილის განცხადებით, პარტია „საქართველოსთვის“ წარმომადგენლები ბრიუსელში, ევროკავშირში გადაწყვეტილების მიმღებ პოლიტიკოსებთან შესახვედრად მიემგზავრებიან

პარტია „საქართველოსთვის“ წევრის, გიორგი ხოჯევანიშვილის განცხადებით, მისი პარტიის წარმომადგენლები შემდეგ კვირაში ბრიუსელში, ევროკავშირში გადაწყვეტილების მიმღებ პოლიტიკოსებთან შესახვედრად მიემგზავრებიან, რათა „იყოს მხარდაჭერა ევროკავშირში განაცხადის და წევრობის კანდიდატის სტატუსის მინიჭებაზე, შემდგომში კი სრულ ინტეგრაციაზე“.

ამის შესახებ ხოჯევანიშვილმა პარლამენტის პლენარულ სხდომაზე ისაუბრა და აღნიშნა, რომ ახლა ქვეყანას ევროპულ ოჯახში ინტეგრაციის შესაძლებლობა აქვს და მნიშვნელოვანია, თითოეულმა პოლიტიკოსმა თავისი წილი პასუხისმგებლობა აიღოს.

„ახლა ჩვენს ქვეყანას აქვს ევროპულ ოჯახში ინტეგრაციის ისეთი შესაძლებლობა, რომელიც არ ჰქონია ბოლო ათწლეულების განმავლობაში და ამ შანსის განიავების შემთხვევაში კიდევ რამდენი ათწლეული აღარ იქნება ასეთი შესაძლებლობა, არავინ იცის. ახლა მნიშვნელობა არ აქვს, რით განვსხვავდებით ერთმანეთისგან, მნიშვნელობა არ აქვს, ვინ არის დღეს ხელისუფლებაში და ვინ წარმოადგენს ოპოზიციას - დღეს მნიშვნელოვანია თითოეულმა ჩვენგანმა ჩვენი წილი პასუხისმგებლობა ავიღოთ და ყველა ერთად დავდგეთ, ვინაიდან წყდება ჩვენი ქვეყნის მომავალი“,- განაცხადა ხოჯევანიშვილმა.

ხოჯევანიშვილის თქმით, მისი გუნდი მზადაა, ევროინტეგრაციის საკითხებთან დაკავშირებით ითანამშრომლოს როგორც ქვეყნის შიგნით არსებულ პოლიტიკურ ჯგუფებთან, ასევე ევროპელ პარტნიორებთან.

„მოგწონთ, თუ არ მოგწონთ, ჩვენ მაინც აქტიურად გავაგრძელებთ მუშაობას ქვეყნის ინტერესების სასარგებლოდ და ყველა შესაძლებლობას გამოვიყენებთ იმისთვის, რომ ჩვენი ქვეყნის უკეთესი გადაწყვეტილების მიღებაზე აქტიურად ვემუშაოთ საქართველოს მხარდამჭერებს", - განაცხადა გიორგი ხოჯევანიშვილმა.

გიორგი ხოჯევანიშვილი ხელისუფლებას მოუწოდებს, რომ ქვეყანაში დასრულდეს ყველა ის პროცესი, რომელიც რაიმე ფორმით დღის წესრიგიდან აქრობს ქვეყნის მომავლის განმსაზღვრელ უმთავრეს საკითხს.

„დღეს, ჩვენ ყველა ვთანხმდებით, რომ ქვეყანაში ეკონომიკური კრიზისია და საზოგადოების მხრიდან ძალიან დიდი უნდობლობაა პოლიტიკური პროცესების მიმართ. დღეს რა პროცესებთან დაკავშირებითაც არ უნდა მოუწიოს ქვეყანას პოზიციონირება „ოცნებას“ აქვს მხოლოდ ერთი გეგმა - ეს ყველაფერი დაიყვანოს „ნაციონალურ მოძრაობასთან“ დაპირისპირებამდე და ზუსტად ანალოგიური სცენარით მოქმედებს „ნაციონალური მოძრაობაც“ - მთავარია „ოცნებას“ დაუპირისპირდეს. ეს კი უბრალოდ სირცხვილია და ხალხი დაღლილია მსგავსი გაუთავებელი კინკლაობის ყურებით. ამიტომ ის მაღალი პოლარიზაციის ხარისხი, რომელიც დღეს ჩვენ ქვეყანაში გვაქვს, უნდა დასრულდეს“,- განაცხადა გიორგი ხოჯევანიშვილმა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა