თბილისში სამარშრუტო ხაზებზე, სადაც მგზავრთნაკადის ზრდა საგრძნობია, კომპანია პიკის საათებში ფეხზე დგომით მგზავრობის ნებას რთავს
დედაქალაქის მერიის ინფორმაციით, ერთეულ სამარშრუტო ხაზებზე, სადაც ბოლო პერიოდში მგზავრთნაკადის ზრდა საგრძნობია, პიკის საათებში კომპანია ნებას რთავს მგზავრს ფეხზე დგომით იმგზავროს.
როგორც "ინტერპრესნიუსს" დედაქალაქის მერიაში განუმარტეს, აღნიშნული გადაწყვეტილება არის დროებითი და იგი არ სცდება მიკროავტობუსების საპასპორტო მონაცემებით დაშვებულ ნორმას.
"მგზავრთა ფეხზე დგომით გადაყვანას მასშტაბური ხასიათი არ გააჩნია, რაც დასტურდება ტრანსპორტის სამსახურის ყოველდღიური მონიტორინგით.
რაც შეეხება ცალკეულ შემთხვევებს, ერთეულ სამარშრუტო ხაზებზე, სადაც ბოლო პერიოდში საგრძნობია მგზავრთნაკადის ზრდა, პიკის საათებში კომპანია ნებას რთავს მგზავრს ფეხზე დგომით იმგზავროს. აღნიშნული გადაწყვეტილება არის დროებითი და იგი არ სცდება მიკროავტობუსების საპასპორტო მონაცემებით დაშვებულ ნორმას",-აღნიშნავენ მერიაში.
v-if="article.gallery" v-html="article.gallery"
