საქართველოს ტექნიკური უნივერსიტეტის რექტორი, პროფესორი დავით გურგენიძე ბიძინა სონღულაშვილს დაბადების დღეს ულოცავს. ამის შესახებ „ინტერპრესნიუსს“ საქართველოს ტექნიკური უნივერსიტეტიდან აცნობეს.

„საქართველოს ტექნიკური უნივერსიტეტის მრავალათასიანი კოლექტივის, პროფესორ-მასწავლებელთა და სტუდენტთა სახელით გულითადად გილოცავთ ღირსშესანიშნავ თარიღს - 70 წლის იუბილეს.

თქვენი ნაყოფიერი და უანგარო მოღვაწეობა ქვეყნის საკეთილდღეოდ არ შემოიფარგლება რომელიმე ვიწრო კონკრეტულ სფეროში საქმიანობით და შესანიშნავი მაგალითია ახალგაზრდა თაობებისათვის. წარმატებული, ნაყოფიერი მოღვაწეობის დადასტურებაა მრავალი ჯილდო, აგრეთვე უდიდესი პატივისცემა და სიყვარული, რომელიც თქვენს მიმართ გააჩნია, როგორც მრავალრიცხოვან კოლეგებსა და მეგობრებს, ასევე საქართველოს ტექნიკური უნივერსიტეტის აკადემიურ საზოგადოებას, რადგან თქვენ საქმიანობა დაიწყეთ უნივერსიტეტში და შემდგომ მთელი თქვენი მოღვაწეობის მანძილზე დგახართ უნივერსიტეტის გვერდით, როგორც მისი დიდი გულშემატკივარი“,- აღნიშნულია გავრცელებულ ინფორმაციაში.