მახათას მთაზე ივერიის ღვთისმშობლის ხატის სახელობის ტაძარში წირვა ჩატარდება
დღეს საქართველოში, ღვთისმშობლისადმი საქართველოს წილხვდომილობის და ამავდროულად, ანდრია პირველწოდებულის ხსენების დღე აღინიშნება.
აღნიშნულთან დაკავშირებით, მახათას მთაზე ივერიის ღვთისმშობლის ხატის სახელობის ტაძარში წირვა ჩატარდება.
“საეკლესიო გარდამოცემით, მაცხოვრის ამაღლების შემდეგ, მოციქულები და ყოვლადწმინდა ღვთისმშობელი შეიკრიბნენ და წილი ყარეს ვის რომელ ქვეყანაში უნდა ექადაგა ქრისტიანობა. ღვთისმშობელს წილად ხვდა საქართველო. უფალმა უბრძანა ღვთისმშობელს დარჩენილიყო იერუსალიმში, ხოლო საქართველოში, მის წილ, გამოეგზავნა მისი ხელთუქმნელი ხატი ანდრია პირველწოდებულთან ერთად, რაც ნიშნავდა უხილავად მის შემოსვლას საქართველოში.
ეს დღე არის ქრისტეს ეკლესიის საქართველოში დაარსების დღე. ამ დღემ განაპირობა ქართველი ერისა და ქართული სახელმწიფოს ცივილიზაციური არჩევანი 2 000 წლის მანძილზე და ამიტომაც საქართველოს სახელმწიფომ იგი გამოაცხადა ეროვნულ დღესასწაულად. ამ დღის აღსანიშნავი სადღესასწაულო წირვა აღესრულება მახათას მთაზე ივერიის ღვთისმშობლის ხატის სახელობის ტაძარში. წირვა დაიწყება 12 მაისს, 10:00 საათზე“, - ნათქვამია ინფორმაციაში.
v-if="article.gallery" v-html="article.gallery"
