ზურაბ აზარაშვილი - ჩვენ პრიორიტეტად განვსაზღვრეთ მედიკამენტების რაციონალური გამოყენების ხელშეწყობა

საქართველოს პარლამენტში „მინისტრის საათის“ ფორმატში სიტყვით გამოსვლისას ჯანდაცვის მინისტრმა ზურაბ აზარაშვილმა მიმდინარე ფარმაცევტულ რეფორმაზე გაამახვილა ყურადღება და აღნიშნა, რომ ექიმის მიერ გამოწერილი მედიკამენტის შეცვლა მარკეტინგული ბენეფიტებისა და სხვა მიზნებისთვის და არა პაციენტის საუკეთესო ინტერესებიდან გამომდინარე შესაცვლელი პრაქტიკაა.

„ფარმაცევტული პროდუქტების ხარისხის და ფინანსური ხელმისაწვდომობის უზრუნველყოფასთან ერთად, ჩვენ პრიორიტეტად განვსაზღვრეთ მედიკამენტების რაციონალური გამოყენების ხელშეწყობა. ფარმაცევტული ბაზრის მონიტორინგის პროცესში ჩვენ ვხედავთ სამწუხარო ფაქტებს, როდესაც აფთიაქში მისულ ადამიანს სთავაზობენ მედიკამენტს ექიმის დანიშნულების გარეშე. ასევე ხდება ექიმის მიერ გამოწერილი მედიკამენტის შეცვლა მარკეტინგული ბენეფიტებისა და სხვა მიზნებისთვის და არა პაციენტის საუკეთესო ინტერესებიდან გამომდინარე. ეს გახლავთ მრავალი წლის მანძილზე დაგროვებული ნეგატიური გამოცდილება, რომელიც საჭიროებდა სწრაფ და ეფექტურ რეაგირებას“, - აღნიშნა ზურაბ აზარაშვილმა.

მინისტრის თქმით, აღნიშნულ გამოწვევებზე საპასუხოდ, მიმდინარე წლის აპრილიდან მეორე ჯგუფს მიკუთვნებული ფარმაცევტული პროდუქტი მხოლოდ ელექტრონული რეცეპტით ან აფთიაქიდან ელექტრონული რეცეპტის საფუძველზე გაიცემა. ასევე, შეიცვალა, დანიშნულების გაცემის მექანიზმიც.

„მნიშვნელოვანია, რომ ჩვენ გადავედით მექანიზმზე, რომელიც ითვალისწინებს რეცეპტში მედიკამენტის არა ბრენდული, არამედ გენერიკული დასახელებით გამოწერას. ხოლო ფარმაცევტებისთვის გაჩნდა ვალდებულება, პაციენტს შესთავაზონ გამოწერილი გენერიკული მედიკამენტის შესაბამისი 3 ყველაზე იაფი სავაჭრო დასახელების პროდუქტი ე.წ „პოზიტიური სიიდან“. ამ სიაში მედიკამენტები შესულია სხვადასხვა კრიტერიუმების შესაბამისად, რომლებიც მედიკამენტების ხარისხის სტანდარტებს და ეროვნულ კანონმდებლობასთან შესაბამისობას ადასტურებს“, - განაცხადა მინისტრმა.

ზურაბ აზარაშვილის თქმით, ცვლილება ერთდროულად რამდენიმე მიმართულების გაუმჯობესების შესაძლებლობას იძლევა. მათ შორისაა: უსაფრთხო მკურნალობის, ასევე პოლიპრაგმაზიის პრევენციის ხელშეწყობა; მცირდება არაკეთილსინდისიერი მარკეტინგის რისკები; პაციენტისთვის იზრდება შესაძლებლობა მიიღოს ხარისხიანი მედიკამენტი შეღავათიან ფასად; სახელმწიფოსთვის შეიქმნა დამატებითი ინსტრუმენტი, ელექტრონული მოდულის გამოყენებით მოახდინოს უწყვეტი, ეფექტიანი მონიტორინგი მედიკამენტების მოხმარებასა და არსებული კანონმდებლობით განსაზღვრული ვალდებულებების შესრულებაზე.

„ბოლო კომპონენტი განსაკუთრებით მნიშვნელოვანია ფსიქოტროპული მედიკამენტების მიმოქცევის მონიტორინგისთვის, რამდენადაც მათი კანონდარღვევით რეალიზაცია წარმოადგენს ერთ-ერთ მნიშვნელოვან გამოწვევას. შესაბამისად, მიმდინარე წლის აპრილიდან განისაზღვრა ელექტრონული რეცეპტის გამოწერის ვალდებულება ფსიქოტროპული მედიკამენტების დანიშვნის შემთხვევაში. ცვლილებით ასევე გათვალისწინებულია, მედიკამენტების ბრუნვის მონაცემების ინტეგრირება ჩვენი სამინისტროს ელექტრონულ ბაზაში, რაც ფსიქოტროპული მედიკამენტების ბრუნვაზე კონტროლის მეტ შესაძლებლობას მოგვცემს.

სამედიცინო და ფარმაცევტული საქმიანობის რეგულირების სააგენტო აქტიურ რეჟიმში ახორციელებს ელექტრონული რეცეპტების გამოწერისა და აფთიაქებიდან მედიკამენტების რეცეპტის საფუძველზე რეალიზაციის კონტროლს. გამოვლინდა დარღვევები და გაიწერა შესაბამისი სანქციებიც. აღსანიშნავია, რომ უახლოეს დღეებში დასრულდება რეგულირების სააგენტოში წამლის დეპარტამენტის ფორმირების პროცესი, რაც კიდევ მეტ შესაძლებლობას შექმნის ქვეყანაში წამლის რეგულირების ჩარჩოს გაძლიერებისთვის.

ვიმედოვნებთ, რომ როგორც სამედიცინო, ისე, ფარმაცევტული სექტორი სრული პასუხისმგებლობით შეასრულებს საზოგადოებისთვის უმნიშვნელოვანესი რეფორმის ფარგლებში განსაზღვრულ ვალდებულებებს“, - განაცხადა ზურაბ აზარაშვილმა.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 02.02.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
Samsung-მა უახლესი Galaxy S23 სერია წარადგინა
GM PHARMA-ს ხარისხის კონტროლისა და მიკრობიოლოგიური ლაბორატორიების აღიარება
„ბიზნეს დიალოგი“ – „ლიბერთის“ ინიციატივა რეგიონებში
Mastercard, USAID და საქართველოს ფინტექ ასოციაცია მცირე და საშუალო ბიზნესებისთვის Tap on Phone პროექტს წარადგენენ
თბილისში „სიმეტრიას“ მიერ განვითარებული საერთაშორისო ბრენდის ახალი სასტუმრო - Holiday Inn Express Tbilisi Avlabari გაიხსნა
იოსებ კეჭაყმაძის საკომპოზიტორო შემოქმედება და ფონდი „ქართული გალობა“
ექსპერტიზის ბიურო მომსახურების განახლებულ ტარიფებთან დაკავშირებით განცხადებას ავრცელებს
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება