ჯანდაცვის მინისტრი - მნიშვნელოვან პრიორიტეტად რჩება ევროკავშირთან ასოცირების ხელშეკრულების ფარგლებში არსებული დირექტივების მაღალ დონეზე შესრულება

დღეს ჩვენი ქვეყანა ისე, როგორც არასდროს ყველაზე ახლოს დგას ევროკავშირის წევრობის პერსპექტივასთან. ამ დრომდე ჩვენი სამინისტროსთვის, ერთ-ერთ მნიშვნელოვან პრიორიტეტად რჩებოდა ევროკავშირთან ასოცირების ხელშეკრულების ფარგლებში არსებული დირექტივების მაღალ დონეზე შესრულება. ჯანდაცვის სამინისტროს მიერ განხორციელებული ღირებული საქმიანობა დეტალურად იქნა აღწერილი ევროკავშირის მიერ მოწოდებულ კითხვარზე გაცემულ პასუხებში, - ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა პარლამენტში, სიტყვით გამოსვლისას განაცხადა.

ზურაბ აზარაშვილმა, ამ მიმართულებით, უკვე განხორციელებულ და დაგეგმილ პროექტებზე ისაუბრა.

როგორც ჯანდაცვის მინისტრმა, სიტყვით გამოსვლისას აღნიშნა, 2022 წელს დასრულდა და პარლამენტს წარედგინა სისხლის და სისხლის პროდუქტების უსაფრთხოების კანონპროექტი, რომელიც ევროკავშირთან ასოცირების ხელშეკრულების ფარგლებში, ქართველი და უცხოელი ექსპერტების ჩართულობით მომზადდა.

„2022 წელს დაგეგმილია ქსოვილების, ორგანოების და უჯრედების ტრანსპლანტაციის შესახებ კანონპროექტის დასრულება და პარლამენტში წარდგენა, რომელიც ასევე ევროკავშირთან ასოცირების ხელშეკრულების ფარგლებში მომზადდა და შეიქმნა უცხოელი ექსპერტების დახმარებით“, - განაცხადა ზურაბ აზარაშვილმა.

მინისტრის თქმით, ამ კანონპროექტის მიხედვით, საქართველოში ტრანსპლანტაციის მთლიანი სისტემა შესაბამისობაში მოვა ევროკავშირის დირექტივებთან.

„აღსანიშნავია ფსიქიკური ჯანმრთელობის გაძლიერების მიმართულებაც, რომელიც ასევე ერთ-ერთია ევროდირექტივებს შორის. ჯანდაცვის სამინისტრომ, საფრანგეთის ტექნიკური დახმარების სააგენტოს მხარდაჭერით, მოამზადა 2022-2030 წლების სტრატეგია, რომლის მიზანია ფსიქიკური ჯანმრთელობის პრობლემების მქონე პირთა ავადობისა და შრომის უნარის შეზღუდვის ტვირთის შემცირება.

ჯანდაცვის სამინისტროს უწყვეტი, ერთწლიანი მუშაობის შედეგად, 2 მაისს დამტკიცდა საქართველოს 2022-2030 წლების ჯანმრთელობის დაცვის ეროვნული სტრატეგია, რომელიც ასახავს მომდევნო 9 წლის განმავლობაში, ჯანმრთელობის დაცვის სისტემის განვითარების ხედვას ქვეყანაში და განსაზღვრავს ძირითად ღირებულებებსა და პრინციპებს ჯანმრთელობის დაცვის უფლებასთან მიმართებით. სტრატეგიის დოკუმენტი სრულად ასახავს ევროასოცირების შეთანხმებით გათვალისწინებულ საკითხებს“, - განაცხადა ზურაბ აზარაშვილმა.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა