ზურაბ აზარაშვილი - სოციალურად დაუცველთა დასაქმების პროგრამაში, უკვე 7 195 სოციალური შემწეობის მიმღები შრომისუნარიანი პირია ჩართული

სოციალურად დაუცველთა დასაქმების პროგრამაში, უკვე 7 195 სოციალური შემწეობის მიმღები შრომისუნარიანი პირია ჩართული,- ამის შესახებ საქართველოს ჯანდაცვის მინისტრმა პარლამენტში განაცხადა.

ზურაბ აზარაშვილის თქმით, დასაქმების ხელშეწყობაზე საუბრის დროს, განსაკუთრებით ხაზგასასმელია, საქართველოს პრემიერ-მინისტრის ახალი ინიციატივა, რომლის მიზანია სოციალურად დაუცველი, შრომისუნარიანი პირების მიმართ შრომის ბაზრის აქტიური პოლიტიკის განხორციელება და მათი გააქტიურება შრომის ბაზარზე, საზოგადოებრივ სამუშაოებზე დასაქმების ხელშეწყობის გზით.

ზურაბ აზარაშვილის თქმით, მთავრობის ერთ-ერთი უმთავრესი ამოცანა დასაქმების ხელშეწყობაა. სწორედ ამ მიზნით, ფუნქციონირებს „დასაქმების ხელშეწყობის სახელმწიფო სააგენტო“, რომელიც შრომის ბაზრის აქტიურ პოლიტიკას ახორციელებს და სამუშაოს მაძიებლებს აძლევს შესაძლებლობას, ჩაერთონ ისეთ პროგრამებში, როგორებიცაა: პროფესიული მომზადებისა და გადამზადების მოკლევადიანი კურსები, სტაჟირება.

მინისტრის განცხადებით, განსაკუთრებული ყურადღება ეთმობა სააგენტოს ინსტიტუციურ განვითარებას. ასევე ეტაპობრივად, იზრდებოდა სააგენტოს წარმომადგენლობა, რომელიც საწყის ეტაპზე, მხოლოდ თბილისსა და 7 რეგიონში ფუნქციონირებდა. დღეისათვის კი, სააგენტო უკვე წარმოდგენილია თბილისსა და ყველა რეგიონში, მუნიციპალურ დონეზე.

„ვაგრძელებთ მუშაობას შრომის ბაზრის გაძლიერებისა და ეკონომიკის გაუმჯობესების მიზნით. შესაბამისად, ინსტიტუციურად გაძლიერდება დასაქმების სააგენტო და დასაქმების ყველა სერვისი ხელმისაწვდომი იქნება, სრულად, ქვეყნის მასშტაბით“, - განაცხადა ზურაბ აზარაშვილმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია