ზურაბ აზარაშვილი - დაიწყო დევნილთა განსახლების უპრეცედენტოდ მასშტაბური პროექტი - 13 000-მდე დევნილ ოჯახს ახალი საცხოვრებელი გადაეცემა

„საქართველოს პრემიერ-მინისტრის ინიციატივით, დევნილთა განსახლების უპრეცედენტოდ მასშტაბური პროექტი დაიწყო, რომლის ფარგლებშიც, მომდევნო 3 წლის განმავლობაში, ახალი საცხოვრებელი იძულებით გადაადგილებულ 13 000-მდე ოჯახს გადაეცემა, - განაცხადა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა პარლამენტში, „მინისტრის საათის“ ფარგლებში, სიტყვით გამოსვლისას.

ზურაბ აზარაშვილის თქმით, იძულებით გადაადგილებული ოჯახების განსახლება და მათი სოციალურ-ეკონომიკური პირობების გაუმჯობესება, სამინისტროსთვის, პრიორიტეტულ მიმართულებაა.

„2012 წლიდან დღემდე, სხვადასხვა პროგრამის ფარგლებში, ახალი საცხოვრებელი 27 000-ზე მეტ დევნილ ოჯახს უკვე გადაეცა. განხორციელებული სამუშაოების მიუხედავად, გამოწვევა ჯერ კიდევ დიდია. სწორედ ამიტომ, კიდევ უფრო აქტიურად ვაგრძელებთ მუშაობას, დევნილებისთვის უსაფრთხო და ღირსეული ცხოვრების პირობების შექმნის მიზნით“, - აღნიშნა ზურაბ აზარაშვილმა.

მინისტრის თქმით, დევნილთა განსახლების პროცესი რამდენიმე მიმართულებით მიმდინარეობს, რათა თითოეული ოჯახის საჭიროებები მაქსიმალურად იყოს გათვალისწინებული.

2022 წელს, განსახლების სხვადასხვა პროგრამის ფარგლებში, საცხოვრებელი უკვე მიიღო 1302-მა დევნილმა ოჯახმა, ხოლო წლის ბოლომდე დამატებით, 1000-მდე ბინა განაწილდება და 1000-ზე მეტი ოჯახი „სოფლად სახლის“ პროგრამის ფარგლებში განსახლდება.

სამინისტროს მიერ გაცემული დაპირების შესაბამისად, ახალაშენებულ კორპუსებში ბინა უკვე გადაეცა სანატორიუმ „ქართლში“ უმძიმეს პირობებში მცხოვრებ დევნილი ოჯახების უდიდეს ნაწილს, დარჩენილი ოჯახების განსახლება კი წლის ბოლომდე მოხდება, რითაც წლების განმავლობაში არსებული პრობლემა სრულად გადაიჭრება. მინისტრის თქმით, დღეისათვის, აქ 50 ოჯახია დასაკმაყოფილებელი.

„დევნილი ოჯახების საცხოვრებლით უზრუნველყოფის მიზნით, მიმდინარე წელს სამშენებლო სამუშაოები დაიწყება თბილისში, ზუგდიდში, ქუთაისში, რუსთავსა და ბორჯომში, რაც მიზნად ისახავს დევნილთა განსახლების პროცესის კიდევ უფრო დაჩქარებას და თავისი მასშტაბით უპრეცედენტოა.

ჯამში, მომდევნო წლებში 7000-მდე ოჯახს, ახალაშენებულ კორპუსებში ბინები გადაეცემა, 6000-მდე ოჯახი კი „სოფლად სახლის“ პროგრამის ფარგლებში განსახლდება.

ორივე პროგრამის ბიუჯეტი, ჯამში, დაახლოებით, 900 მილიონი ლარი იქნება“, - აღნიშნა ზურაბ აზარაშვილმა.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა