„საქართველოს ბანკი“ მობილბანკის „სუპერ აპად“ გარდაქმნას აანონსებს - ახალი სერვისები, რომლებსაც აპლიკაცია გააერთიანებს

„საქართველოს ბანკი“ მობილბანკის „სუპერ აპად“ გარდაქმნას აანონსებს, რაც მომხმარებლის ყოველდღიურობაში ყველაზე აქტუალური საბანკო სერვისების გაერთიანებას გულისხმობს, - ამის შესახებ „საქართველოს ბანკის“ ციფრული საბანკო მომსახურების დეპარტამენტის დირექტორმა ლევან კობახიძემ „Bank of Georgia UPDATE - ტექნოლოგიების დღეზე“ გამართულ პრეზენტაციაზე ისაუბრა.

მისი თქმით, მობილბანკს დაემატება ისეთი ფუნქციონალები, როგორიც არის კრიპტოვალუტებით ვაჭრობა, ბილეთები, გადახდის ახალი მეთოდი, მობილური კომერცია QR-ის გამოყენებით, ყოველდღიური სიახლეები სთორების სახით, სხვა ბანკის ანგარიშების მართვა ერთი სივრციდან, Marketplace-ი, ავტო და სამოგზაურო დაზღვევა.

„ყოველდღიურ ბანკინგში „სუპერ აპის“ მნიშვნელოვანი კომპონენტი არის მომხმარებელთა დიდი ბაზა და ასევე ძალიან დიდი დატა, შესაბამისად, „სუპერ აპის“ ნიშნები მობილბანკს ნამდვილად აქვს. ყოველთვიურად მას დაახლოებით მილიონი ადამიანი იყენებს, ხოლო ყოველდღიურად - მისი ნახევარი; ტრანზაქციული ბანკინგის დაახლოებით 70% დღეს მობილბანკში ხდება და 10-დან 3 საბანკო პროდუქტიც სწორედ მობილბანკში იყიდება. ყოველდღიური საბაზისო მოთხოვნილებების დასაკმაყოფილებლად კომუნალური გადასახადებისთვის, სხვადასხვა ნივთის შესაძენად თითოეული ჩვენგანი იყენებს საბანკო ბარათს ან მობილბანკს, მობილბანკში შესაძლებელია როგორც ანგარიშის ელექტრონულად გახსნა, ისე ციფრული ბარათის დაგენერირება“, - აღნიშნა ლევან კობახიძემ.

მან დეტალურად განმარტა, როგორ იმუშავებს ახალი ფუნქციონალები და რა უპირატესობა ექნება მათ:

„ფინანსების მართვაში საინტერესო სიახლეს გაიგებთ: ფინანსების მართვაში მნიშვნელოვანია 360-გრადუსიანი ხედვა ანგარიშებზე. ღია ბანკინგის სტანდარტით დღეს უკვე შესაძლებელია, მობილბანკში გადააბათ სხვა ბანკის ანგარიშები, გააერთიანოთ ისინი ერთ სივრცეში და თქვენს აქტივებზე სწორედ 360-გრადუსიანი ხედვა გაიჩინოთ. ამჟამად მომხმარებელს სხვა ბანკის ანგარიშების მხოლოდ დანახვა შეუძლია, მომავალში კი მათ მართვასაც შეძლებს.

კიდევ ერთი საინტერესო სერვისი ამავე კატეგორიიდან არის ინვესტიციების მოდული, რომელიც სულ რამდენიმე თვეა გამოჩნდა. მისი მეშვეობით სრულად ონლაინ, რამდენიმე წუთში შეგიძლიათ გახსნათ საინვესტიციო ანგარიში და გლობალურ საფონდო ბირჟაზე ივაჭროთ, შეიძინოთ ისეთი გლობალური კომპანიების აქციები, როგორიც არის Microsoft, Google, Tesla და სხვა. დღესვე ვაანონსებთ, რომ კრიპტოვალუტებით ვაჭრობის სერვისიც ასევე მარტივად ხელმისაწვდომი იქნება“, - განმარტა ლევან კობახიძემ.

„საქართველოს ბანკის“ მომსახურების დეპარტამენტის დირექტორის განმარტებით, ჯანმრთელობისა და უსაფრთხოების კატეგორიაში ავტოდაზღვევისა და სამოგზაურო დაზღვევის მობილბანკით შეძენა მალე გახდება შესაძლებელი. ამასთან, მობილბანკის Lyfestyle-სა და შოპინგის კატეგორიაში მომხმარებლებს მნიშვნელოვანი სიახლეები ელით:

„აღნიშნულ კატეგორიაში ალბათ უკვე შეხვდებოდით ერთიანი შეთავაზების სივრცეს, სადაც გაერთიანებულია 12 000-ზე მეტ პარტნიორთან არსებული შეთავაზებები, მათ აქვთ ფასდაკლებისა და საკრედიტო პროდუქტებზე შეთავაზების სახე და თქვენს ინტერესებზეა მორგებული. დღეს ამ შეთავაზებებს ძირითადად საინფორმაციო ხასიათი აქვს, თუმცა მზადდება საფუძველი, რომ მოხდეს ელექტრონული ანგარიშსწორება ონლაინ შესაძენად. ვემზადებით, რომ გავუშვათ მობილური Market Place. ასევე, ჩვენ ვმუშაობთ, რომ QR ტექნოლოგიის მეშვეობით თანხის განაღდება შეძლოთ ბანკომატიდან და ასევე სხვადასხვა გადახდის განხორციელება“,- აღნიშნა მან.

ამასთან, როგორც ლევან კობახიძემ განმარტა, სხვადასხვა ღონისძიების ბილეთების შეძენას მალე მობილბანკის გართობასა და სიახლეების კატეგორიაში შეძლებთ.

ბანკის მიზანია, მობილბანკის საშუალებით, მაქსიმალურად დააკმაყოფილოს მომხმარებლის მრავალფეროვანი საჭიროებები; მისცეს მათ შესაძლებლობა, ცენტრალიზებულად, ერთი აპლიკაციიდან მიიღონ წვდომა ისეთ საბანკო და არასაბანკო პროდუქტებსა და სერვისებზე, რომლებიც მათი ყოველდღიურობის ნაწილია.

„საქართველოს ბანკი“ Bank of Georgia UPDATE - ტექნოლოგიების დღეს“ მართავს, რომელიც კომპანიის მიერ ბოლო პერიოდში განვითარებულ და უახლოეს მომავალში დაგეგმილ სიახლეებსა და ინოვაციებს ეხება.

ღონისძიების ფარგლებში დაანონსდა სამომავლო გეგმები, პროდუქტები და სერვისები, რომელსაც ბანკი ტექნოლოგიების გამოყენებით, მომხმარებლისთვის უკეთესი გამოცდილების შექმნის მიზნით ავითარებს.

(R)

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ლაჩინის დერეფნის ბლოკადა
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს