უკრაინამ რუსეთს შესთავაზა, რომ მარიუპოლში, "აზოვსტალის" ფოლადის ქარხანაში მყოფი მძიმედ დაჭრილი უკრაინელი დამცველები რუს სამხედრო ტყვეებში გაეცვალათ. ამის შესახებ უკრაინის ვიცე-პრემიერმა ირინა ვერეშჩუკმა განაცხადა

„ჯერ შეთანხმება მიღწეული არ არის. მოლაპარაკებები გრძელდება“, - განაცხადა ვერეშჩუკმა.

შეგახსენებთ, 10 მაისს "აზოვის" პოლკმა გაავრცელა ინფორმაცია და ფოტოები, რომ მარიუპოლის დაჭრილ მებრძოლებს თვითგადარჩენა მედიკამენტების გარეშე და ანტისანიტარიის პირობებში უწევთ.

სამხედროებმა გაეროსა და წითელ ჯვარს მიმართეს მოთხოვნით , „აჩვენონ მათ ჰუმანურობა და დაამტკიცონ ის ძირეული პრინციპები, რომლებზეც ისინი შეიქმნა“ და გადაარჩინონ დაშავებული ადამიანები, რომლებიც აღარ იღებენ მონაწილეობას საბრძოლო მოქმედებებში.