კლინიკა „ვივამედთან“ ტერიტორია ყვითელი ლენტით შემოსაზღვრეს. როგორც „ინტერპრესნიუსის“ კორესპონდენტი ადგილიდან იუწყება, ადგილზე ცოტა ხნის წინ პენიტენციური სამსახურის წარმომადგენლები მივიდნენ.

ტერიტორიის შემოსაზღვრა სავარაუდოდ, კლინიკაში საქართველოს მესამე პრეზიდენტის, მიხეილ სააკაშვილის გადაყვანას უკავშირდება. არსებული ინფორმაციით, რუსთავის საპატიმრო დაწესებულებიდან სააკაშვილს სამოქალაქო კლინიკაში ცოტა ხანში გადაიყვანენ.