შეიარაღებული კონფლიქტების შედეგად უგზო-უკვლოდ დაკარგული პირების მოძიებისა და გადმოსვენების უწყებათაშორისი კომისიის სხდომა გაიმართა

შერიგებისა და სამოქალაქო თანასწორობის საკითხებში საქართველოს სახელმწიფო მინისტრის თეა ახვლედიანის ხელმძღვანელობით, შეიარაღებული კონფლიქტების შედეგად უგზო-უკვლოდ დაკარგული პირების მოძიებისა და გადმოსვენების უწყებათაშორისი კომისიის სხდომა გაიმართა.

როგორც უწყების მიერ გავრცელებულ განცხადებაშია ნათქვამი, უწყებათაშორისი კომისიის სხდომა სახელმწიფო მინისტრმა გახსნა და ყურადღება გაამახვილა უგზო-უკვლოდ დაკარგულთა მოძიების პროცესის შემდგომი მდგრადობის უზრუნველყოფის უაღრესად დიდ მნიშვნელობაზე, როგორც გაუჩინარებულ პირთა ბედისა და ადგილსამყოფლის დადგენის, მათი ოჯახების მხარდაჭერის, ისე ხელოვნურად დაშორებულ მოსახლეობას შორის ნდობის აღდგენის ხელშეწყობის თვალსაზრისით.

სხდომაზე, დღის წესრიგით გათვალისწინებული თემატიკის მიხედვით, განხილულ იქნა უგზო-უკვლოდ დაკარგულთა მოძიების პროცესის აქტუალური საკითხები და სამომავლო ხედვები. ხაზი გაესვა მოძიების პროცესის ეფექტიანობის ერთობლივად, შემდგომი გაუმჯობესების საჭიროებას, რათა მაქსიმალურად მოხერხდეს უგზო-უკვლოდ დაკარგულთა ოჯახების მრავალწლიანი გაურკვევლობის დასრულება. ამ კონტექსტში, აღინიშნა და განხილულ იქნა პროგრამის სამომავლო ფუნქციონირებასთან დაკავშირებით წითელი ჯვრის საერთაშორისო კომიტეტის სტრატეგიული კვლევის დასკვნები და რეკომენდაციები, ასევე მისი აღსრულების ოპტიმალური გზები, რაც ეხმიანება საზოგადოებაში უგზო-უკვლოდ დაკარგულთა მოძიების პროცესის წარმატებით განხორციელების მოლოდინს, ოჯახების ინტერესსა და საქართველოში მიმდინარე პროგრამის სპეციფიკას.

„დღევანდელ სხდომაზე ვიმსჯელეთ საქართველოში 90-იანი წლების შეიარაღებული მოქმედებებისა და 2008 წლის აგვისტოს ომის შედეგად უგზო-უკვლოდ დაკარგულ პირთა მოძიების და მათი ოჯახების თანადგომის პროგრამის მიმდინარეობასა და მისი შემდგომი მდგრადობის, ისევე როგორც ეფექტიანობის გაზრდის უზრუნველყოფის კონკრეტულ გზებზე. მნიშვნელოვანია იმის აღნიშვნა, რომ ეს მსჯელობა დიდწილად ეყრდნობოდა წითელი ჯვრის საერთაშორისო კომიტეტის ინიციატივით განხორციელებული სტრატეგიული გადახედვის დასკვნებსა და რეკომენდაციებს, რომელთა საფუძველზე უახლოეს მომავალში იგეგმება წითელ ჯვართან ფორმალური დისკუსიის დაწყება პროგრამაში ჩართული სახელმწიფო უწყებების როლის გაზრდასთან დაკავშირებულ საკითხებზე. ჩვენი მიზანია კიდევ უფრო გაძლიერდეს კოორდინაცია, კიდევ უფრო მეტი აქტიური კომუნიკაცია გვქონდეს ოჯახებთან და წითელი ჯვრის ნეიტრალური შუამავლობით და ძალისხმევით დაიხვეწოს როგორც ეროვნული, ასევე ჰუმანიტარული საკოორდინაციო მექანიზმების გამართული ფუნქციონირება, რათა მეტი უგზო-უკვლოდ დაკარგული პირის მოძიება და მათი ოჯახებისთვის დაბრუნება შევძლოთ,“-განაცხადა სახელმწიფო მინისტრმა თეა ახვლედიანმა.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა