გიული ალასანია მიხეილ სააკაშვილზე - ფერი არ ჰქონდა, თეთრი იყო სულ, სიარული უჭირდა - მითხრა, რომ გუშინ სამჯერ დაეცა, საშინელი სისუსტე აქვს

საქართველოს მესამე პრეზიდენტის მიხეილ სააკაშვილის დედა გიული ალასანია აცხადებს, რომ მიხეილ სააკაშვილის ჯანმრთელობის მდგომარეობა თვალშისაცემად გაუარესებულია. ამის შესახებ გიული ალასანიამ „ვივამედის“ კლინიკაში მიხეილ სააკაშვილის მონახულების შემდეგ პრესკონფერენციაზე ისაუბრა.

რაც შეეხება კლინიკაში არსებულ ვითარებას, როგორც ალასანია აცხადებს, "ვივამედში" კარგი პირობებია და "არ შეადარებს გორის კლინიკას".

„მე რაც დავინახე, ორი დღის წინ მყავდა ნანახი ციხეში, იმასთან შედარებით ბევრად უარესად იყო, თვალშისაცემად. ფერი საერთოდ არ ჰქონდა, თვალები მეტკინა რომ შევხედე, თეთრი იყო სულ. სიარული ძალიან უჭირდა. ვიფიქრე, ჩვენც ხომ არ გვეძინა და ალბათ, ისიც ასეთ მდგომარეობაში იყო, მაგრამ არა, მეძინაო. გუშინ კიდევ სამჯერ დავეციო მითხრა, ასეთი მდგომარეობა აქვს - საშინელი სისუსტე.

ექიმები ვნახე, გავიცანი, ძალიან ყურადღებიანი ხალხია, ძალიან კარგი ვითარებაა ამ მხრივ, მაგრამ ეს [სააკაშვილი] არ არის კარგად თვითონ, აი, ეს არის პრობლემა, თორემ თვითონ პერსონალი ძალიან მომეწონა“, - განაცხადა გიული ალასანიამ.

მისივე თქმით, მიუხედავად იმისა, რომ კლინიკაში კარგი პირობებია, ეს არ არის საკმარისი მიხეილ სააკაშვილის გამოსაჯანმრთელებლად და ის უცხოეთში უნდა გადაიყვანონ.

„ანალიზები გაკეთდა, პასუხები არ ვიცი ჯერ, უნდა დავაკვირდეთო. როდემდე გაჩერდება არ ვიცი, მაგრამ ზუსტად ვიცი, რომ საჭიროა ადამიანის აქედან გაყვანა იმიტომ, რომ არც დაკვირვება და არც ანალიზები, გამოკვლევა, რა თქმა უნდა, არ იქნება საკმარისი. მას სჭირდება ინტენსიური მკურნალობა, გადარჩენაზეა.

ძალიან ცდილობს ყველა, რომ შეუმსუბუქოს მდგომარეობა, მაგრამ ყველანაირად ჩანს, რომ აქ მისი რეაბილიტაცია, რა თქმა უნდა, ვერ მოხდება და რაც შეიძლება სწრაფადაა საჭირო, რომ დაიწყოს ეს პროცესი იმიტომ, რომ ყოველ წუთში შეიძლება რომ ადამიანი აღარ იყოს. ასეთი შთაბეჭდილება დამრჩა დღეს განსაკუთრებით. რომ ვნახე ბოლოს იქაც კი არ მქონია ასეთი შთაბეჭდილება, მაგრამ დღეს რაც ვნახე, უბრალოდ შემეშინდა.

გავიგე, რომ ამ კლინიკაშიც არ ჰქონიათ ასეთი შემთხვევა ასეთი პაციენტი ჰყოლოდათ. არ არის გამოცდილება. ცხრა დიაგნოზი აქვს დასმული უკვე და ყველა არის ერთმანეთზე მძიმე და დაავადებას შეუძლია ნებისმიერ დროს გამოიწვიოს ძალიან მძიმე დასასრული“, - განაცხადა გიული ალასანიამ.

ამასთან, გიული ალასანიას თქმით, ხვალვე მიხეილ სააკაშვილს მისი პირადი ექიმი ნიკოლოზ ყიფშიძე მონახულებას.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
4-5 ივნისს თბილისის საკონცერტო დარბაზში „ერისიონი“ ახალი პროგრამით წარდგება
IF Design-ის 2022 წლის ღონისძიებაზე ჰიუნდაიმ 9 ჯილდო მოიპოვა
რომელ Galaxy A სმარტფონს ირჩევ შენ?
ვებსტერის უნივერსიტეტსა და თიბისის შორის მემორანდუმი გაფორმდა
ლიბერთი ბანკი - დიდი პასუხისმგებლობა და პატივია უნიკალური ინფრასტრუქტურით მოვემსახუროთ სოციალური გასაცემლების მიმღებ პირებს