ქვეყნის მესამე პრეზიდენტის, მიხეილ სააკაშვილის მოსანახულებლად კლინიკა "ვივამედში", მისი ადვოკატები დიტო საძაგლიშვილი და შოთა თუთბერიძე მივიდნენ.
როგორც შოთა თუთბერიძემ კლინიკაში შესვლამდე ჟურნალისტებთან საუბრისას განაცხადა, მას როგორც ადვოკატს, მიხეილ სააკაშვილის მონახულების კანონიერი უფლება აქვს და ამ უფლების შეზღუდვას არ ელის.
"ვერანარ კანონიერ საფუძველს ვერ ვხედავ, რომ მასთან შეხვედრის უფლება შემიზღუდონ. სიმართლე გითხრათ, არ ველოდები, რომ შეხვედრის უფლება არ მომცენ. მაინტერესებს მისი პირველადი სამედიცინო, ზოგადი მდგომარეობა, რამდენიმე საკითხი მაქვს შესათანხმებელი," - განაცხადა შოთა თუთბერიძემ.