საქართველოს მთავრობის ადმინისტრაციაში, რელიგიის საკითხთა სახელმწიფო სააგენტოსთან არსებული რელიგიურ გაერთიანებათა ქონებრივი და ფინანსური საკითხების შემსწავლელი სარეკომენდაციო კომისიის მეორე სხდომა გაიმართა, რომელსაც რელიგიის საკითხთა სახელმწიფო სააგენტოს, ეკონომიკის სამინისტროს, მართლმადიდებელი ეკლესიისა და მუსლიმთა სამმართველოს წარმომადგენლები დაესწრნენ.

რელიგიის საკითხთა სახელმწიფო სააგენტოს ინფორმაციით, კომისიამ განიხილა საქართველოს მართლმადიდებელი ეკლესიის მიერ წარმოდგენილი 35 საკითხი, რომელთაგან დადებითი რეკომენდაცია გაიცა 26 საკითხზე, არ დაკმაყოფილდა 5 და ხარვეზი დადგინდა 4 საკითხზე.

კომისიის წევრებმა განიხილეს მუსლიმი თემის 10 საკითხი მეჩეთების გადაცემის თაობაზე, ათივე მათგანზე გაიცა დადებითი რეკომენდაცია. აღმოსავლეთ ევროპის სომეხ კათოლიკეთა ორდინარიატის 1 საკითხზე დადგინდა ხარვეზი.