DIBS-სა და თსუ-ს თანამშრომლობით ახალი სამაგისტრო-საგანმანათლებლო პროგრამა შეიქმნება

საქართველოს თავდაცვის სამინისტროსა და ივანე ჯავახიშვილის სახელობის თბილისის სახელმწიფო უნივერსიტეტს შორის არსებული თანამშრომლობის ფარგლებში ახალი აღმასრულებელი სამაგისტრო პროგრამის განხორციელება იგეგმება.

თავდაცვის სამინისტროს ინფორმაციით, თავდაცვის სამინისტროს თავდაცვის ინსტიტუციური აღმშენებლობის სკოლასა (DIBS) და თბილისის სახელმწიფო უნივერსიტეტის ეკონომიკისა და ბიზნესის ფაკულტეტს შორის შეთანხმებას სამაგისტრო პროგრამის განხორციელების შესახებ თავდაცვის მინისტრის მოადგილემ გრიგოლ გიორგაძემ, თავდაცვის ინსტიტუციური აღმშენებლობის სკოლის (DIBS) დირექტორმა თეა ნიკოლაშვილმა და სახელმწიფო უნივერსიტეტის რექტორმა გიორგი შარვაშიძემ მოაწერეს ხელი.

„სამაგისტრო პროგრამა ქვეყნის უსაფრთხოების სფეროს უწყებებში დასაქმებული საჯარო სამსახურის ხელმძღვანელი პირებისთვის არის განსაზღვრული. ასევე, სამაგისტრო პროგრამაში ინტეგრირდება საქართველოს თავდაცვის სამინისტროს „თავდაცვისა და უსაფრთხოების უმაღლესი პროგრამა“, რომელიც განსაზღვრულია თავდაცვის უწყების გენერლის, პოლკოვნიკისა და ვიცე-პოლკოვნიკის სამხედრო წოდების მოსამსახურეებისთვის. პროგრამის გავლის შესაძლებლობა ექნებათ სახელმწიფო უსაფრთხოების სფეროს უწყებებში დასაქმებულ სამოქალაქო პირებსაც.

სამაგისტრო პროგრამა ერთწლიანია და მისი განხორციელება 2023 წლის სექტემბრიდან დაიწყება. კურსდამთავრებულებს საჯარო მმართველობის ბიზნეს ადმინისტრირების მაგისტრის აკადემიური კვალიფიკაცია მიენიჭებათ. ახალი სამმხრივი მემორანდუმი თავდაცვის სამინისტროს სამხედრო და სამოქალაქო აღმასრულებელი დონის ხელმძღვანელი პირებისთვის უმაღლესი აკადემიური ხარისხის მიღების კიდევ ერთ შესაძლებლობას წარმოადგენს“,- ნათქვამია ინფორმაციაში.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს