სოლომონ პავლიაშვილი „სუფთა რეგიონი 2021“ გამარჯვებულების დაჯილდოების ღონისძიებას დაესწრო

„საქართველოს მწვანეთა მოძრაობა/დედამიწის მეგობრები-საქართველოს“ და გარემოს დაცვისა და სოფლის მეურნეობის სამინისტროს მხარდაჭერით, კონკურსის „სუფთა რეგიონი 2021“ გამარჯვებულების დაჯილდოების ღონისძიება გაიმართა.

გარემოს დაცვისა და სოფლის მეურნეობის სამინისტროს ინფორმაციით, დაჯილდოების ღონისძიებას გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი, პარლამენტის გარემოს დაცვისა და ბუნებრივი რესურსების კომიტეტის თავმჯდომარე მაია ბითაძე და შვედეთის განვითარების სააგენტოს ხელმძღვანელი, ერიკ ილესი ესწრებოდნენ.

როგორც გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა აღნიშნა, ძალიან მნიშვნელოვანი კონკურსია „სუფთა რეგიონი“, რომლის ძირითადი მიზანი ნარჩენების მართვის მიმართულებით საზოგადოების ცნობიერების ამაღლებაა, ასევე, სტიქიური ნაგავსაყრელების და ზოგადად, გარემოს დაბინძურების შემცირებაა. მისივე თქმით, სუფთა ქუჩა და სუფთა რეგიონი სუფთა ქვეყანას ნიშნავს.

„ მიმდინარე წელს, კონკურსის „სუფთა რეგიონი“ დაჯილდოების ღონისძიება მეექვსედ აღინიშნა და ის 8 ნომინაციაში ჩატარდა. კონკურსში მონაწილეობა შეეძლო ყველა მსურველს, რომელთაც საშუალება ჰქონდათ კონკურსის ორგანიზატორებისთვის ჩამოთვლილი ნომინაციების ამსახველი ფოტო/ვიდეო მასალები წარმოედგინათ.2021 წლის „სუფთა რეგიონის“ კონკურსის ნომინაციებში გამარჯვებულები არიან:

„სუფთა რეგიონი“ - კახეთის რეგიონი

„სუფთა მუნიციპალიტეტი“ - ზუგდიდის მუნიციპალიტეტი

„სუფთა ქალაქი“ - ქ. ლაგოდეხი

„სუფთა დაბა“ - დაბა მესტია

„სუფთა სოფელი“ - სოფელი ჭკადუაში (ზუგდიდის მუნიციპალიტეტი)

„ლამაზი ეზო" - ბესიკ პერტაიას ეზო (სოფელი ცაიში)

„ლამაზი ეზო“ (ორგანიზაციის) - ღვინის კომპანია შპს „მეღვინეობა ხარება“

„სუფთა ქუჩა“ - მერაბ კოსტავას ქუჩა, ბოლნისის მუნიციპალიტეტი

კონკურსის კომისიის გადაწყვეტილებით სიგელები გადაეცათ: მცხეთა-მთიანეთისა და ლაგოდეხის მუნიციპალიტეტებს - ნარჩენების მართის სისტემის გაუმჯობესებაში შეტანილი წვლილისთვის

„ლამაზი ეზო“ - კომპანია „შუმი“

„ლამაზი ეზო“ - ნუნუ კარდახელაშვილის ეზო (სოფელი ნუმისი, გურჯაანის მუნიციპალიტეტი)

„ლამაზი ეზო“- ბორის პაპასკუას ეზო (ქ. ფოთი)

„სუფთა/ლამაზი ქუჩა“ - ბიძინა ჩოლოყაშვილის ქუჩა (ახმეტის მუნიციპალიტეტი)

„სახლი იწყება ეზოდან“ - ზაქარიაძის ქუჩა (ქ. თბილისი)

პროექტს „დავიცვათ საქართველოს სისუფთავე“ არასამთავრობო ორგანიზაციები „საქართველოს მწვანეთა მოძრაობა/დედამიწის მეგობრები-საქართველო“, „დავიცვათ საქართველოს სისუფთავე“ (KGT), საქართველოს ბუნების მკვლევართა კავშირი „ორქისი“, შვედეთის პარტნიორ ორგანიზაციებთან ერთად ახორციელებენ“,- აღნიშნულია გავრცელებულ ინფორმაციაში.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს