დღეს, 19:00 საათზე რესპუბლიკის მოედანზე სოლიდარობის აქცია გაიმართება. ამის შესახებ ტელეკომპანია „კავკასიის“ დირექტორმა, ნინო ჯანგირაშვილმა ბრიფინგზე განაცხადა.
მისი თქმით, „მთავარი არხის“ გენერალური დირექტორის, ნიკა გვარამიას დაკავებასთან დაკავშირებით, სოლიდარობის აქციას მედია გამართავს და ეს არ იქნება პოლიტიკოსების აქცია.
„მედია მართავს სოლიდარობის აქციას და შეგიძლიათ შემოგვიერთდეთ. დაიწყება რესპუბლიკის მოედანზე, გვექნება მსვლელობა პარლამენტამდე. გაგვიხარდება რაც უფრო მეტი ადამიანი გამოუცხადებს სოლიდარობას ნიკა გვარამიას და მედიას. ეს არის მედიის აქცია და არა პოლიტიკოსების მიერ დაგეგმილი აქცია“, - განაცხადა ნინო ჯანგირაშვილმა.