მიხეილ სააკაშვილის მამა - სასწრაფოდ, მორჩით დღესვე ყველანაირი კვლევა და დაიწყეთ მკურნალობა - მორჩით პრეზიდენტის სიცოცხლით თამაშს, თქვენი შენელებული, შეგნებული ქმედებით, ცოდვის დიდ ჭაობში იძირებით

მორჩით პრეზიდენტის სიცოცხლით თამაშს. თქვენი შენელებული, უკვე ეჭვი მაქვს, რომ შეგნებული ქმედებით, დამერწმუნეთ, ცოდვის დიდ ჭაობში იძირებით, - ამის შესახებ საქართველოს მესამე პრეზიენტის, მიხეილ სააკაშვილის მამა, ნიკოლოზ სააკაშვილი სოციალურ ქსელში წერს.

სააკაშვილი ითხოვს, დღესვე დაასრულონ ყოფილი პრეზიდენტის კვლევები და მისი მკურნალობა დაიწყონ.

„დღემდე ვიყავი იმედიანად, მოლოდინის რეჟიმში. ველოდებოდი კლინიკიდან სამედიცინო კვლევის შედეგებს. მინდა გამოვხატო აღშფოთება იმის მიმართ, რაც ხდება მიშას ირგვლივ. თითქოს, ყინული დაიძრა, მიშა სამოქალაქო კლინიკაშია, გაჩნდა იმედი, რომ იმ ადამიანებში რომლებიც მანიპულირებენ მესამე პრეზიდენტის ბედით, გაიღვიძა ჰუმანურობამ. კვლავ შევცდი.

მერამდენე დღეა, პაციენტი იმყოფება „ვივა მედის“ კლინიკაში და რა? სტანდარტული ფრაზები - კვლევა გრძელდება. როგორც ექიმს, არ მესწავლება, რა დრო სჭირდება ადამიანის სამედიცინო კვლევას, რა სირთულის არ უნდა იყოს ის. სურვილისსამებრ ამის გაკეთება შესაძლებელია რამოდენიმე საათსა, ან მაქსიმუმ, ორ დღეში. ჩნდება ძალიან ბევრი შეკითხვა და ეჭვი. რა ხდება? სასწრაფოდ, მორჩით დღესვე ყველანაირი კვლევა და დაიწყეთ მკურნალობა. გაიგეთ, რომ მიშას მკურნალობის და რეაბილიტაციის პროცესი ხანგრძლივია და ურთულესი. მორჩით პრეზიდენტის სიცოცხლით თამაშს. თქვენი შენელებული, უკვე ეჭვი მაქვს, რომ შეგნებული ქმედებით, დამერწმუნეთ, ცოდვის დიდ ჭაობში იძირებით“, - წერს სააკაშვილი.

იხილეთ ვიდეო:მიხეილ სააკაშვილის მამა - სასწრაფოდ, მორჩით დღესვე ყველანაირი კვლევა და დაიწყეთ მკურნალობა - მორჩით პრეზიდენტის სიცოცხლით თამაშს, თქვენი შენელებული, შეგნებული ქმედებით, ცოდვის დიდ ჭაობში იძირებით

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს