გიორგი ვაშაძე - მიზანმიმართულად ხდება ანტიდასავლური კამპანიის წარმოება „ანტიქართული ოცნების" მხრიდან იმისთვის, რომ დასავლეთმა უარი უთხრას საქართველოს ევროკავშირში დაჩქარებულ ინტეგრაციაზე

მიზანმიმართულად ხდება ანტიდასავლური კამპანიის წარმოება „ანტიქართული ოცნების" მხრიდან იმისთვის, რომ დასავლეთმა უარი უთხრას საქართველოს ევროკავშირში დაჩქარებულ ინტეგრაციაზე, - ამის შესახებ ჟურნალისტებთან „სტრატეგია აღმაშენებლის" ლიდერმა გიორგი ვაშაძემ განაცხადა.

მისი თქმით, გვარამიას დაკავება პრემიერის ბრიუსელში ვიზიტს მიზანმიმართულად დაამთხვიეს.

"სურთ, საქართველოს მოქალაქეებს ილუზია შეუქმნან, ვითომ ევროკავშირში უნდათ, მაგრამ დგამენ ნაბიჯებს, რომ ევროკავშირმა უარი გვითხრას კანდიდატის სტატუსზე. ისინი ატყუებენ მოქალაქეებს, რომ ევროპელები არიან, მაგრამ ევროპა არ იღებს მათ, ამ შინაარსის გაყიდვას შეეცდებიან უახლოეს პერიოდში, არ გამოვრიცხავ ასევე, რომ ჩრდილოელი მეზობლისგან ძალიან კონკრეტული დავალებები მიიღეს მათმა ბატონ-პატრონებმა, თუ როგორ უნდა იმოქმედონ. აქამდე ეს ორსახოვანი გზა შეიძლება ჭრიდა, მაგრამ დღეს ან ხარ უკრაინასთან და ცივილიზებულ სამყაროსთან ან ხარ რუსეთთან, შუა გზა არ არსებობს. შესაბამისად, შუა გზა, რომელიც მათ ჰქონდათ, დამთავრდა“, - განაცხადა ვაშაძემ.

მისი თქმით, „ქართული ოცნება" ყოველდღიურად თავს ესხმის დასავლელ პარტნიორებს, რაც უპასუხოდ არ დარჩება მათი მხრიდან.

ამასთან, ანტიდასავლურ რიტორიკაზე განცხადება გიორგი ვაშაძემ საგარეო ურთიერთობათა კომიტეტის სხდომაზეც გააკეთა. ვაშაძემ ირაკლი კობახიძის იმ განცხადებასთან დაკავშირებით, სადაც მან შვეიცარიული ბანკის მიერ ივანიშვილისთვის თანხის გადარიცხვის შეფერხების უკან კოორდინირებული ქმედებებსა და შანტაჟზე ისაუბრა, მისი და საგარეო საქმეთა მინისტრის კომიტეტის სხდომაზე დაბარება მოითხოვა, რათა მათ პასუხი გასცენ კითხვას, ვინ აშანტაჟებს ივანიშვილს, რომ საქართველო ომში ჩაერთოს.

აღნიშნულთან დაკავშირებით, კომიტეტის თავმჯდომარემ განმარტა, რომ მათი პარტიის და უმრავლესობის პოზიცია არ არის, რომ რომელიმე სახელმწიფო აშანტაჟებს ივანიშვილს. რაც შეეხება კობახიძის და მინისტრის დაბარებას, ნიკოლოზ სამხარაძემ აღნიშნა, რომ ივანიშვილის კერძო დავა საგარეო ურთიერთობათა კომიტეტზე განსახილველი საკითხი არ არის.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია