იურიდიული დახმარების სამსახურის ორგანიზებით და ევროპის საბჭოს დახმარებით, აბაშაში იმიტირებული სასამართლო პროცესი გაიმართა

აბაშაში, იურიდიული დახმარების სამსახურის ორგანიზებით და ევროპის საბჭოს დახმარებით, იმიტირებული სასამართლო პროცესი გაიმართა, სადაც განზრახ მკვლელობით ჩადენილ საქმეს ნაფიცი მსაჯულები განიხილავდნენ. ბრალდებისა და დაცვის მხარეს იურიდიული დახმარების სამსახურის წარმომადგენლები განასახიერებდნენ, ხოლო „ნაფიც მსაჯულთა“ შემადგენლობა დაკომპლექტებული იყო აბაშაში მცხოვრები ახალგაზრდებით, მათ შორის - უფროსკლასელებით.

„აბაშელმა ახალგაზრდებმა ყურადღებით მოუსმინეს ორივე მხარეს, დასვეს შეკითხვები, ბევრი იმსჯელეს ბრალდების მხარის მიერ წარმოდგენილ მტკიცებულებებზე და საბოლოოდ, შესაბამისი ვერდიქტიც გამოიტანეს.

ნაფიც მსაჯულთა როლში მყოფი ახალგაზრდების აბსოლუტური უმრავლესობა პირველად დაესწრო სასამართლო პროცესს. მიმდინარე საქმე მათთვის ძალზე საინტერესო აღმოჩნდა და განხილვაში მონაწილეობით უდიდესი გამოცდილება შეიძინეს. შესაბამისად, თუ ოდესმე მართლაც მოუწევთ მონაწილეობა ნაფიც მსაჯულთა სასამართლო პროცესში, აღნიშნული გამოცდილება ძალიან გამოადგებათ.

აღსანიშნავია, რომ ნაფიც მსაჯულთა იმიტირებული სასამართლო პროცესი, რომელშიც მსაჯულები და პროცესის დამსწრეები ამა თუ იმ რეგიონის მოსახლეობა უნდა იყოს, მიზნად ისახავს მოსახლეობის სამართლებრივი ცნობიერების ამაღლებას და პოტენციურ მომზადებას ნაფიც მსაჯულთა სასამართლო პროცესებში რეალური მონაწილეობის მისაღებად“,- ნათქვამია იურიდიული დახმარების სამსახურის მიერ გავრცელებულ ინფორმაციაში.

ღონისძიება განხორციელდა იურიდიული დახმარების სამსახურის სამართლებრივი ცნობიერების ასამაღლებელი საინფორმაციო კამპანიის - მოძრაობა "ვაქციოთ კანონი ყველასათვის ხელმისაწვდომი" ფარგლებში მიმდინარე პროექტის "იცოდე შენი უფლება 18 წლამდე" ეგიდით.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
საქართველო და პოსტ-საბჭოთა პერიოდის დასასრული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე