გიორგი ვაშაძე - დაპირება შესრულებულია, საპენსიო სესხის პროცენტი ნაცვლად 36-38%-ისა მაქსიმუმ 26% იქნება

დაპირება შესრულებულია, საპენსიო სესხის პროცენტი ნაცვლად 36-38%-ისა მაქსიმუმ 26% იქნება, - ამის შესახებ “სტრატეგია აღმაშენებლის” ლიდერმა, გიორგი ვაშაძემ განაცხადა.

როგორც ის განმარტავს, პარლამენტში დარეგისტრირებულმა ინიციატივამ საპენსიო სესხის პროცენტის შემცირების საკითხზე შედეგი გამოიღო.

გიორგი ვაშაძის თქმით, ეს მხოლოდ პირველი ნაბიჯი იყო და “სტრატეგია აღმაშენებელი” კვლავ აგრძელებს მუშაობას, საპენსიო სესხის საკითხთან დაკავშირებით. პარლამენტართა ჯგუფის საკანონმდებლო ინიციატივის წესით წარმოდგენილი კანონპროექტი, კომიტეტს გიორგი ვაშაძემ გააცნო.

“ჩვენმა საერთო ბრძოლამ შედეგი გამოიღო. როგორც დაგპირდით, მომავალი წლის 1 იანვრიდან პენსიონერებისთვის საპენსიო სესხის პროცენტი ნაცვლად 36-38%-ისა მაქსიმუმ 26% იქნება. ასევე, პენსიონერებისთვის დაწესდება საბანკო მომსახურეობის გაუმჯობესებული პირობები და ისეთი სერვისები, როგორებიცაა თანხის შეტანა-გამოტანა, კომუნალურის გადახდა, ეს მათთვის უფასო იქნება. ეს იყო მხოლოდ პირველი ნაბიჯი. ჩვენ ვაგრძელებთ მუშაობას, რომ პენსიონერს შესაძლებლობა ჰქონდეს თავად აირჩიოს საბანკო სერვისის მიმღები ბანკი, თავისუფალი კონკურენციის პირობებში სესხის პროცენტი კიდევ უფრო შემცირდეს და სესხის პროცენტის შემცირება მოხდეს უკვე აღებულ სესხებზეც.

ამ მიზნით ჩვენ პარლამენტში დარეგისტრირებული გვაქვს შესაბამისი საკანონმდებლო ინიციატივა და ვიმედოვნებთ, რომ ამ ინიციატივას სხვა ოპოზიციური პარტიებიც დაუჭერენ მხარს და ხელისუფლების მხრიდან წინააღმდეგობა არ შეგვხვდება” - აღნიშნავს გიორგი ვაშაძე.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს