ილიას სახელმწიფო უნივერსიტეტი საჯარო ლექციათა ციკლს იწყებს „უკრაინის საგარეო პოლიტიკა 1991 წლიდან დღემდე"

ილიას სახელმწიფო უნივერსიტეტი საჯარო ლექციათა ციკლს იწყებს „უკრაინის საგარეო პოლიტიკა 1991 წლიდან დღემდე". ამის შესახებ ინფორმაციას ილიას სახელმწიფო უნივერსიტეტი ავრცელებს.

მათივე ცნობით, ლექციათა სერია დაიწყება 25 მაისს და დასწრება ნებისმიერი დაინტერესებული პირისათვის თავისუფალია.

როგორც გავრცელებულ ინფორმაციაშია აღნიშნავენ, უკრაინის სამეცნიერო საზოგადოების სოლიდარობისთვის ილიას სახელმწიფო უნივერსიტეტმა მიმდინარე წლის მარტში დააარსა პროგრამა რისკის ქვეშ მყოფი აკადემიური პერსონალის მხარდასაჭერად. პროგრამა მიზნად ისახავდა საფრთხის ქვეშ მყოფ უკრაინელ მეცნიერთა და მათი ოჯახების წევრთათვის უსაფრთხო გარემოს უზრუნველყოფას. პროგრამის ფარგლებში 2022 წლის მაისიდან ილიას სახელმწიფო უნივერსიტეტს ეწვივნენ კიევის ტარას შევჩენკოს სახელობის ეროვნული უნივერსიტეტის პროფესორი ელენა შევჩენკო და უკრაინის ეროვნული საავიაციო უნივერსიტეტის პროფესორი ალლა გოლოვნია.

„ილიას სახელმწიფო უნივერსიტეტი გთავაზობთ საჯარო ლექციათა ციკლს „უკრაინის საგარეო პოლიტიკა 1991 წლიდან დღემდე".

კურსს გაუძღვება კიევის ტარას შევჩენკოს სახელობის ეროვნული უნივერსიტეტის პროფესორი ელენა შევჩენკო. კურსის მიზანია, მსმენელებს გააცნოს უკრაინის საგარეო პოლიტიკის ძირითადი ასპექტები უკანასკნელი 30 წლის განმავლობაში, აჩვენოს, როგორ ვითარდებოდა საგარეო პოლიტიკური პრიორიტეტები პრეზიდენტების – კრავჩუკის, კუჩმას, იუშჩენკოს, იანუკოვიჩის, პოროშენკოსა და ზელენსკის – მმართველობის პერიოდში.

მსმენელები გაეცნობიან უკრაინის საგარეო პოლიტიკის ფორმირების პროცესს, მის გამოწვევებს, ძირითადი საგარეო პოლიტიკის განხორციელების სქემებს, მიიღებენ ინფორმაციას, თუ როგორ ყალიბდება და ვითარდება ორმხრივი და მრავალმხრივი ურთიერთობები აშშ-თან, რუსეთსა და პარტნიორ ქვეყნებთან, საერთაშორისო ორგანიზაციებსა და ევროკავშირთან. განსაკუთრებული ყურადღება დაეთმობა რუსეთ-უკრაინის ურთიერთობებსა და რუსული დიპლომატიის გავლენას უკრაინის საგარეო პოლიტიკაზე.

ლექციათა ციკლის შედეგად მონაწილეები უკეთ შეძლებენ იმ საერთაშორისო კონტექსტის გააზრებას, რომელშიც დღეს უკრაინა აღიქვამს საკუთარ თავს, რა მოვლენები მოხდა და რა პოლიტიკური გადაწყვეტილებები იქნა მიღებული, როგორ და რატომ ტრანსფორმირდა უკრაინის საგარეო პოლიტიკის პრიორიტეტები.

ლექციების განრიგი:

  1. უკრაინის საგარეო პოლიტიკის საფუძვლები
  2. აშშ-უკრაინის ორმხრივი ურთიერთობები
  3. უკრაინასა და ევროკავშირის ურთიერთობები და ევროინტეგრაცია
  4. რუსეთ-უკრაინის ურთიერთობები
  5. უკრაინის აქტივობები საერთაშორისო ორგანიზაციებსა და სამხედრო-პოლიტიკურ ბლოკებში
  6. უკრაინის ორმხრივი ურთიერთობები პოსტსაბჭოთა ქვეყნებთან

ლექციათა ციკლი ჩატარდება ჰიბრიდულ რეჟიმში. მსმენელს საშუალება ექნება ლექციებს დაესწროს როგორც ადგილზე, ასევე დისტანციურად Zoom პლატფორმის მეშვეობით.

სამუშაო ენა: ინგლისური

ლექციებზე წინასწარი რეგისტრაცია იწარმოებს 22 მაისის ჩათვლით.

რეგისტრაციისათვის ეწვიეთ ბმულს: https://bit.ly/3sFQKp4“,- აღნიშნულია გავრცელებულ ინფორმაციაში.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა