შუალედური არჩევნების შედეგად არჩეული საკრებულოს წევრის უფლებამოსილების დაწყების თარიღი იცვლება

შუალედური არჩევნების შედეგად არჩეული საკრებულოს წევრის უფლებამოსილების დაწყების თარიღი იცვლება. ამის შესახებ ინფორმაციას პარლამენტის პრესსამსახური ავრცელებს.

მათივე ინფორმაციით, პარლამენტის წევრთა ერთი ჯგუფის მიერ ინიცირებულ კანონპროექტებზე - „საქართველოს საარჩევნო კოდექსში" ცვლილების შეტანისა და „საქართველოს ორგანულ კანონში „ადგილობრივი თვითმმართველობის კოდექსში"ცვლილების შეტანის თაობაზე დღეს რეგიონული პოლიტიკისა და თვითმმართველობის კომიტეტმა პირველი მოსმენით იმსჯელა.

მომხსენებლის, დეპუტატ გურამ მაჭარაშვილის განმარტებით, ცვლილება მხოლოდ შუალედური არჩევნების შედეგად არჩეული საკრებულოს წევრის უფლებამოსილების დაწყების თარიღს ეხება.

„იმ შემთხვევაში, თუ რომელიმე საკრებულოში ჩატარდება შუალედური არჩევნები, გამოკლებული მაჟორიტარი წევრის ნაცვლად ამ არჩევნებში გამარჯვებული კანდიდატის უფლებამოსილების ვადა უნდა დაიწყოს ცენტრალური საარჩევნო კომისიის მიერ საბოლოო შემაჯამებელი ოქმის ოფიციალურ ვებგვერდზე გამოქვეყნებიდან მეთერთმეტე დღეს", - განაცხადა პარლამენტის წევრმა.

მისივე თქმით, აღნიშნული წესი ამ დრომდე მხოლოდ საქართველოს კანონმდებლობით არჩეულ მერებზე ვრცელდებოდა.

„როგორც რიგითი არჩევნების, ასევე შუალედური არჩევნების შემთხვევაში მერის უფლებამოსილება ოფიციალურ ვებგვერდზე გამოქვეყნებიდან მეთერთმეტე დღეს შედის ძალაში. ამიერიდან კი, კანონპროექტის მიღების შემდეგ ეს წესი საკრებულოს დეპუტატებზეც გავრცელდება", - განაცხადა გურამ მაჭარაშვილმა.

კომიტეტის წევრებმა განხილულ კანონპროექტებს მხარი დაუჭირეს.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს