"მთავარი არხისა" და ნიკა გვარამიას მხარდასაჭერი აქცია - მსვლელობა ტელეკომპანიის ოფისთან დასრულდა.
აქცია ორგანიზებული იყო ოპოზიციური ტელეარხების მედიამენეჯერებისა და ჟურნალისტების მიერ. საპროტესტო მსვლელობას ასევე შეუერთდნენ როგორც სხვადასხვა პოლიტიკური პარტიების წევრები, ისე არასამთავრობო ორგანიზაციის წარმომადგენლები.
აქციის დასასრულს, "მთავარი არხის" ოფისთან ტელეკომპანიის ჟურნალისტები, მიხეილ სესიაშვილი და ბექა ყორშია სიტყვით გამოვიდნენ. როგორც მათ აღნიშნეს, "მთავარი არხი" არ გაჩერდება და ისინი "გააგრძელებენ ბრძოლას, რომელსაც აუცილებლად გამარჯვებით დაასრულებენ".