ვებსტერის უნივერსიტეტის საქართველოს კამპუსი დღეს ოფიციალურად გაიხსნება

ვებსტერის უნივერსიტეტის საქართველოს კამპუსი დღეს ოფიციალურად გაიხსნება. კამპუსს უნივერსიტეტის პრეზიდენტი გახსნის. გახსნით ღონისძიებას დაესწრებიან საქართველოს განათლების სამინისტროს, პარლამენტის განათლების კომიტეტის, აშშ-ის საელჩოს და ამერიკის სავაჭრო პალატის ოფიციალური წარმომადგენლები.

ღონისძიებაზე აგრეთვე მოეწერება ხელი ვებსტერის უნივერსიტეტის გაწევრიანებას ამერიკის სავაჭრო პალატაში (AMCHAM). ღონისძიებას დაესწრებიან განათლების და ბიზნესის სფეროს წარმომადგენლები, მსხვილი ადგილობრივი და საერთაშორისო ორგანიზაციები.

„ვებსტერის უნივერსიტეტი 1915 წელს დაარსდა და მსოფლიოს 50 ლოკაციაზე ფუნქციონირებს. უნივერსიტეტი აკრედიტებულია აშშ-ს The Higher Learning Commission (HLC) - ის მიერ, აკრედიტაცია ფარავს საბაკალავრო და სამაგისტრო პროგრამებს მსოფლიოს ყველა კამპუსში, საქართველოს ჩათვლით. ბიზნესისა და მენეჯმენტის მიმართულებით პროგრამები აკრედიტებულია მსოფლიოს ერთ-ერთი უმაღლესი რანგის აკრედიტაციის ორგანოს, Accreditation Council for Business Schools and Programs (ACBSP)-ს მიერ. საქართველოს კამპუსი ავტორიზებულია 1000 სტუდენტის მისაღებად და განახორციელებს საბაკალავრო და სამაგისტრო პროგრამებს ბიზნესის ადმინისტრირება მენეჯმენტის, საერთაშორისო ურთიერთობების და მედიაკომუნიკაციების მიმართულებით. მომდევნო წლებში, აღნიშნულ ჩამონათვალს დაემატება პროგრამები სხვა მიმართულებებითაც. კამპუსი არის საერთაშორისო და მასში საქართველოს მოქალაქეების გარდა ისწავლიან უცხოელი სტუდენტებიც. სტუდენტს ექნება შესაძლებლობა ისარგებლოს მობილობით და გაატაროს რამდენიმე სემესტრი ვებსტერის საუნივერსიტეტო ქსელის ნებისმიერ კამპუსში მსოფლიოს მასშტაბით. სწავლის დასასრულს, სტუდენტს მიენიჭება ვებსტერის უნივერსიტეტის ამერიკული დიპლომი. ვებსტერის უნივერსიტეტის კამპუსის გახსნა არის პირველი და ისტორიული ფაქტი, როდესაც საერთაშორისოდ აღიარებული საუნივერსიტეტო ქსელი ახალ ლოკაციად საქართველოს ირჩევს“,- ნათქვამია ინფორმაციაში.

დღის წესრიგი: 15:30 - გახსნის ცერემონიალი

მოდერატორი: ემინ ჰაჯიევი, ვიცე რექტორი, ვებსტერის უნივერსიტეტი საქართველო;

16:00 - 16:10 მიხეილ ბატიაშვილი - ვებსტერის უნივერსიტეტის პარტნიორი საქართველოში;

16:10 - 16:20 ჯულიან შუსტერი - ვებსტერის უნივერსიტეტის პრეზიდენტი;

16:20 – 16:25 გიორგი ამილახვარი - საქართველოს პარლამენტის განათლებისა და მეცნიერების კომიტეტის თავმჯდომარე;

16:25 - 16:30— ნუნუ მიცკევიჩი, საქართველოს განათლებისა და მეცნიერების მინისტრის მოადგილე

16:30 - 16:35 კელი დეგნანი - აშშ-ის ელჩი საქართველოში;

16:35 - 16:40 ირაკლი ბაიდაშვილი, ამერიკის სავაჭრო პალატის (AMCHAM) ვიცე პრეზიდენტი;

16:40 - 16:50 ვებსტერის უნივერსიტეტის საქართველოს კამპუსის ამერიკის სავაჭრო პალატაში გაწევრიანების ხელმოწერის ცერემონიალი;

16:50 - 17:30 კამპუსის ტური.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა