იმ ფონზე, როცა ნიკა მელია რევოლუციას აანონსებს, საკონსტიტუციო ცვლილებებზე მსჯელობა ვერ შედგება, - ამის შესახებ საგარეო ურთიერთობათა კომიტეტის თავმჯდომარე ნიკოლოზ სამხარაძემ განაცხადა.

მისივე თქმით, თუ ოპოზიცია "კონსტრუქციულ რელსებზე" გადავა, მაშინ მუშაობა შესაძლებელი გახდება.

"საკონსტიტუციო ცვლილებები მხოლოდ ჩვენზე დამოკიდებული არ არის, ეს დამოკიდებულია ოპონენტებზე, შესაბამისად, ამაზე უნდა იყოს მსჯელობა. მაგრამ იმ ფონზე, როცა ნიკა მელოა რევოლუციას აანონსებს, მსჯელობა ვერ შედგება. თუ პარლამენტში გააგრძელებენ მუშაობას და კონსტრუქციულ რელსებზე გადავლენ, ყველაფერი შესაძლებელია. საკონსტიტუციო ცვლილებების მიღებას სჭირდება თანამშრომლობა, ხოლო როცა რევოლუციებს აანონსებ, თანამშრომლობის რესურსი ვერ იქნება.

მუდმივად ცდილობენ, რომ ქვეყანაში გამოიწვიონ დესტაბილიზაცია, რომ არეულობის ხარჯზე იქნებ მღვრიე წყალში თევზი დაიჭირონ და ხელისუფლებაში მოვიდნენ, ეს არის მათი ამოცანა ბოლო 8 წელია, თუმცა, რა შედეგებსაც მიაღწიეს აქამდე ამ გზით, იგივეს მიაღწევენ,"- განაცხადა სამხარაძემ.