ფუტკრის მსოფლიო დღესთან დაკავშირებით ვებინარი „ფუტკრის როლი ეკოსისტემაში“ გაიმართა

20 მაისი ფუტკრის მსოფლიო დღეა. გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრმა, ფუტკრის მსოფლიო დღესთან დაკავშირებით, მოსწავლეებისა და დაინტერესებული ახალგაზრდებისთვის ვებინარი „ფუტკრის როლი ეკოსისტემაში“ გამართა.

გარემოსდაცვითი ინფორმაციისა და განათლების ცენტრის ინფორმაციით, ახალგაზრდები ფუტკრის ოჯახის შესახებ ინფორმაციას გაეცნენ, ასევე, ფუტკრის დანესტვრის შემთხვევაში რეკომენდაციები მიიღეს.

„ფუტკრის მსოფლიო დღის აღნიშვნის ძირითადი მიზანი, ეკოსისტემაში ფუტკრის როლის შესახებ საზოგადოების ცნობიერების ამაღლებაა.

ფუტკარს მნიშვნელოვანი წვლილი შეაქვს, როგორც სასურსათო უსაფრთხოებაში, ასევე ადამიანის ჯანმრთელობის შენარჩუნებაში.

მსოფლიოში სხვადასხვა სახეობის ფუტკარი არსებობს. ქართული (მთის რუხი) ფუტკარი კავკასიის უნიკალური ბიომრავალფეროვნების მაგალითია, რომელსაც უნიკალური თვისებები აქვს: გრძელი ხორთუმი, კლიმატის მიმართ გამძლეობა, პროპოლისისა და თაფლის დიდი რაოდენობით დამზადების უნარი. ამ მახასიათებლების გამო, ქართულმა (მთის რუხი) ფუტკარმა, სხვადასხვა წლებში, საერთაშორისო გამოფენებზე სამი ოქროს მედალი მოიპოვა,“ - აღნიშნულია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს