დონეცკის ოლქში ოკუპანტებმა ღვთისმშობლის ტაძარზე საჰაერო თავდასხმა განახორციელეს. ტაძრის სარდაფს თავს ეკლესიის დაახლოებით 100 მსახური აფარებდა. მათ შორის იყვნენ ბერ-მონაზვნები და ბავშვები. ამის შესახებ ინფორმაციას უკრაინის ეროვნული პოლიცია „ფეისბუქის“ გვერდზე ავრცელებს.
ეროვნული პოლიციის ინფორმაციით, ავიაიერიშის შედეგად ადამიანები არ დაშავებულან. პოლიციამ, სამხედროების და მესაზღვრეების დახმარებით მონასტრის მსახურები უსაფრთხო ადგილას გადაიყვანეს.
