ტურიზმის ეროვნული ადმინისტრაცია პორტუგალიიდან მედიის წარმომადგენლებს მასპინძლობს

ტურიზმის ეროვნული ადმინისტრაციის ორგანიზებით საქართველოს პორტუგალიიდან ბლოგერები და ფოტოგრაფები ესტუმრნენ, - ამის შესახებ ინფორმაციას ტურიზმის ეროვნული ადმინისტრაცი ავრცელებს.

პრეს-ტური პორტუგალიაში საქართველოს საელჩოს ჩართულობით იმართება. პორტუგალიური მედიის წარმომადგენლები საქართველოს ტურისტული მიმართულების, ქალაქების, კურორტების, კულტურის, გამაჯანსაღებელი და სათავგადასავლო ტურისტული პროდუქტების შესახებ ბლოგებსა და ფოტო რეპორტაჟებს ამზადებენ, რომელსაც სოციალურ ქსელებში გააზიარებენ.

„ჩვენი მიზანია მიზნობრივი ტურისტული ბაზრების მაქსიმალური დივერსიფიკაცია მოვახდინოთ, რომ უფრო მეტი მაღალმხარჯველი ტურისტი მივიღოთ, შემოსავლებშიც აისახოს და უფრო გრძელვადიანი და მდგრადი იყოს ეს შედეგი. შესაბამისად, დღეს ჩვენ ვმასპინძლობთ ბლოგერებსა და ჟურნალისტებს პორტუგალიიდან, რომლებიც ძირითადად გაეცნობიან საქართველოს გამაჯანსაღებელ და სათავგადასავლო ტურისტულ პოტენციალს. ეს არის კიდევ ერთი დამატებითი შესაძლებლობა პორტუგალიაში ჩვენი ქვეყნის ტურისტული მიმართულების პოზიციონირება მოვახდინოთ და მივიღოთ მეტი ტურისტი“, - განაცხადა ტურიზმის ეროვნული ადმინისტრაციის ხელმძღვანელის მოვალეობის შემსრულებელმა მედეა ჯანიაშვილმა.

„თავდაპირველად ჩვენ ძველი თბილისი დავათვალიერეთ და ძალიან მომეწონა. საქართველო ძალიან ჰგავს პორტუგალიას, ხალხებს შორიც არის დიდი მსგავსება. ქართველები ძალიან მეგობრულები არიან, ყველა გვიღიმის. ძალიან მომეწონა ქართული ღვინო, რომელიც პორტუგალიურს ჰგავს. ვფიქრობ, პორტუგალიელი ტურისტები დაინტერესდებიან საქართველოთი და ეწვევიან თქვენს ქვეყანას“, - აცხადებს პორტუგალიელი ჟურნალისტი ლუის დე მაგალჰეისი.

„პრეს-ტურის 8 მონაწილე თბილისს, მცხეთას, უფლისციხეს და ქვიშხეთს ეწვია. ბლოგერები და ფოტოგრაფები ბაღდათსა და საირმეს, ვანს, მარტვილს, სოფელს გორდს ესტუმრებიან. ეწვევიან პრომეთეს მღვიმესა და წყალტუბოს.

პრეს-ტურის მიზანია საქართველოს ტურისტული პოტენციალის პოპულარიზაცია პორტუგალიაში და ახალი ტურისტული ნაკადების მოზიდვა“,- ნათქვამია განცხადებაში.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს