ვილნიუსში ადვოკატთა საერთაშორისო ასოციაციის მმართველი საბჭოს სხდომა გაიმართა

ვილნიუსში, საერთაშორისო ადვოკატთა ასოციაციის (International Bar Association/IBA) მმართველი საბჭოს სხდომა გაიმართა.

საქართველოს ადვოკატთა ასოციაციის ინფრომაციით, რომელშიც საქართველოს ადვოკატთა ასოციაციის თავმჯდომარე, დავით ასათიანი და აღმასრულებელი დირექტორი, გიორგი ჭეხანი მონაწილეობდნენ.

„შეხვედრის ფარგლებში, მმართველმა საბჭომ IBA-ის ხელმძღვანელობის ანგარიშები მოისმინა და სხვადასხვა აქტუალურ საკითხზე იმსჯელა, მათ შორის - ადვოკატის უფლებებისა და ადამიანის უფლებების დაცვით კუთხით არსებული გამოწვევები და გადაჭრის გზები. მმართველი კომიტეტის შეხვედრის ერთ-ერთ მთავარ საკითხს უკრაინაში რუსეთის აგრესიული ომი და უკრაინის მხარდასაჭერად ადვოკატთა საერთაშორისო თანამეგობრობის მიერ გადასადგმელი დამატებითი ნაბიჯები წარმოადგენდა.

მმართველი საბჭოს შეხვედრების პარალელურად, დავით ასათიანმა მონაწილეობა მიიღო IBA-ის პოლიტიკის კომიტეტის სხდომაში, რომლის წევრადაც ის 2021 წლის მარტში აირჩიეს. პოლიტიკის კომიტეტი მუშაობს და გადაწყვეტილებებს იღებს ისეთ მნიშვნელოვან საკითხებთან დაკავშირებით, როგორიცაა - ადამიანის უფლებების და კანონის უზენაესობის დაცვა, ასევე, იურიდიული პროფესიის ინტერესების მხარდაჭერა მსოფლიოს მასშტაბით.

IBA ადვოკატების, ადვოკატთა ასოციაციებისა და იურიდიული საზოგადოებების წამყვანი საერთაშორისო ორგანიზაციაა, რომელიც 1947 წელს დაარსდა, გაერთიანებული ერების ორგანიზაციის შექმნიდან მალევე. IBA-ის მიზანია, წვლილი შეიტანოს გლობალური სტაბილურობისა და მშვიდობის დამკვიდრებაში მართლმსაჯულების განხორციელების გზით. IBA აერთიანებს 190-ზე მეტ ადვოკატთა ასოციაციასა და 80 ათასზე მეტ ადვოკატს მსოფლიოს მასშტაბით“,- ნათქვამია ინფორმაციაში.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ლაჩინის დერეფნის ბლოკადა
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს