ბრიუსელში გამართული სამუშაო ვიზიტის ფარგლებში ზურაბ აბაშიძემ CORLEAP-ის წარმომადგენლებთან შეხვედრები გამართა

ევროპის რეგიონთა კომიტეტის აღმოსავლეთ პარტნიორობის კონფერენციაში ქართული დელეგაციის ხელმძღვანელმა, თბილისის საკრებულოს თავმჯდომარის მოადგილემ ზურაბ აბაშიძემ, ბრიუსელში მიმდინარე კონფერენციაში მიიღო მონაწილეობა. ამის შესახებ ინფორმაციას თბილისის საკრებულო ავრცელებს.

მათივე ცნობით, სამუშაო ვიზიტის ფარგლებში, საქართველოს წარმომადგენელი რეგიონთა კომიტეტის ოფისსაც ეწვია, სადაც აღმოსავლეთ პარტნიორობის რეგიონული კონფერენციისა და ევროპული საგარეო საქმეთა სამსახურის (EEAS) წარმომადგენლებთან გამართა შეხვედრა.

„მხარეებმა „CORLEAP“-ში მონაწილეობისა და ურთიერთთანამშრომლობის გაღრმავების საკითხებზე იმსჯელეს და ამ მიმართულებით სამომავლო გეგმები განიხილეს.

ზურაბ აბაშიძემ უკრაინის საკითხებზე ევროპის რეგიონთა კომიტეტის (CoR) სამუშაო ჯგუფის შეხვედრაშიც მიიღო მონაწილეობა, რომლის ფარგლებშიც, ჯგუფის ხელმძღვანელს, ქალაქ გდანსკის მერს ალექსანდრა დულკიევიჩსა და ევროკავშირში უკრაინის მისიის ხელმძღვანელს ვსევოლოდ ჩენცოვს შეხვდა.

გდანსკის მერმა სამუშაო ჯგუფის შეხვედრაზე დამსწრე საზოგადოებას სიტყვით მიმართა და საუბრისას, ზურაბ აბაშიძეს შეხვედრაში მონაწილეობისა და მხარდაჭერისთვის მადლობა პირადად გადაუხადა.

აღსანიშნავია, რომ საქართველო 2022 წლის ოქტომბრიდან ევროპის რეგიონთა კომიტეტის აღმოსავლეთ პარტნიორობის კონფერენციის (CORLEAP) თანათავმჯდომარე ქვეყანა გახდება.

„CORLEAP“-ში აღმოსავლეთ პარტნიორობის 5 ქვეყანა – საქართველო, უკრაინა, მოლდოვა, სომხეთი და აზერბაიჯანია წარმოდგენილი. ყოველწლიური როტაციის მიხედვით, თანათავმჯდომარის სტატუსს, ამჯერად საქართველო გადმოიბარებს.

საქართველოს ადგილობრივ თვითმმართველობათა ეროვნული ასოციაცია (NALAG), აღმოსავლეთ პარტნიორობის რეგიონთა კონფერენციაში (CORLEAP) 2011 წელს გაწევრიანდა, მასში მონაწილე ქართული დელეგაციის ახალი შემადგენლობა კი, ათეა-ს აღმასრულებელმა საბჭომ მიმდინარე წლის მარტში დაამტკიცა”,- აღნიშნულია გავრცელებულ ინფორმაციაში.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა