„ოკუპირებულ აფხაზეთში ლეგიტიმურად მცხოვრებ პირთა უფლებრივი მდგომარეობის“ შესახებ სამეცნიერო კონფერენცია ჩატარდა

აფხაზეთის ავტონომიური რესპუბლიკის მთავრობის ინფორმაციით, „ოკუპირებულ აფხაზეთში ლეგიტიმურად მცხოვრებ პირთა უფლებრივი მდგომარეობის“ შესახებ სამეცნიერო კონფერენცია ჩატარდა.

მათივე ცნობით, კონფერენციის მონაწილეებს მისასალმებელი სიტყვით აფხაზეთის ავტონომიური რესპუბლიკის მთავრობის თავმჯდომარემ, რუსლან აბაშიძემ და იუსტიციისა და სამოქალაქო ინტეგრაციის საკითხებში აფხაზეთის მინისტრმა, ნანა გაბელიამ მიმართეს.

როგორც ნანა გაბელიამ სიტყვით გამოსვლისას აღნიშნა, საქართველოს მთავრობისა და საერთაშორისო ორგანიზაციების ჩართულობისა და აქტიური მუშაობის მიუხედავად, ოკუპირებული აფხაზეთის ტერიტორიაზე ადამიანის უფლებების უხეში დარღვევის ფაქტები ხშირია.

„დღევანდელი კონფერენციის მიზანი სწორედ ოკუპირებული აფხაზეთის ტერიტორიაზე ადამიანის უფლებათა დარღვევის პრევენციის, ინტეგრაციისა და ნდობის აღდგენის მიმართულებით დევნილ ქალთა როლის გაძლიერების, სამშვიდობო პროცესებში ახალგაზრდების ჩართულობის მნიშვნელობის შესახებ საზოგადოებისა და საერთაშორისო ორგანიზაციების ინფორმირებულობის გაზრდაა. ხაზგასმით მინდა აღვნიშნო, რომ საერთაშორისო ექსპერტების, აკადემიური წრეების წარმომადგენლების და დარგის სპეციალისტების ჩართულობის აუცილებლობა საერთო საკითხის გარშემო აზრთა გაცვლის გზით პრობლემის გადაჭრის საუკეთესო საშუალებაა“, - განაცხადა ნანა გაბელიამ.

მათივე ინფორმაციით, კონფერენციას აფხაზეთის მთავრობის წევრები, დიპლომატიური კორპუსის წარმომადგენლები, სახელმწიფო უწყებებისა და საერთაშორისო ორგანიზაციების, ასევე, აკადემიური წრეების წარმომადგენლები ესწრებოდნენ.

გამომსვლელთა მოხსენებები პუბლიკაციების სახით დაიბეჭდება და დაინტერესებული პირებისთვის ხელმისაწვდომი იქნება.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს