დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსი გორისა და ხაშურის პრობაციის ბიუროებში იმყოფებოდა. ლადო ხელაძე თანამშრომლების სამუშაო გარემოსა და მათ საჭიროებებს გაეცნო.

„თანამშრომლებთან შეხვედრაზე სააგენტოს უფროსმა სააგენტოს სამოქმედო გეგმა განიხილა. თანამშრომლებს იმ მნიშვნელოვან პროექტებზე მიაწოდა ინფორმაცია, რომელიც საზოგადოების უსაფრთხოების უზრუნველყოფაში პრობაციის ოფიცრის როლის შესახებ ცნობიერების ამაღლებას ემსახურება. შეხვედრაზე დანაშაულის პრევენციის მიმართულებით დაგეგმილი პროექტები, პირობით მსჯავრდებულების კონტროლის მექანიზმის გაუმჯობესებისთვის არსებული სიახლეები და ინფრასტრუქტურული პროექტები განიხილეს“, - ნათქვამია დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს მიერ გავრცელებულ ინფორმაციაში.