„საქართველოს ბანკის“ საინვესტიციო პლატფორმას უკვე 10 000-ზე მეტი მომხმარებელი ჰყავს. ინფორმაციას ამის შესახებ „საქართველოს ბანკი“ ავრცელებს.

მათივე ცნობით, ამჟამად, 10 ყველაზე პოპულარული და მოთხოვნადი აქცია, რომელშიც მომხმარებლები ინვესტირებას მობილბანკიდან ახორციელებენ, ასე გამოიყურება: Tesla, Apple, Facebook , S&P 500, Coca-Cola, Microsoft, Netflix, Google, Amazon, Boqii Holding Ltd.

„მოხარული ვართ, რომ გვაქვს შესაძლებლობა, საინვესტიციო პლატფორმის საშუალებით, ინვესტირება იმაზე ხელმისაწვდომი და მარტივი გავხადოთ, ვიდრე ეს ოდესმე ყოფილა საქართველოში. პროდუქტის დანერგვიდან დღემდე, „ინვესტიციები“ მუდმივად ვითარდება - პლატფორმას ახალი ფუნქციონალები ემატება, დიზაინი იხვეწება, იმისთვის, რომ მისი გამოყენება კიდევ უფრო მარტივი და ინტუიტური იყოს. ჩვენ აქ არ ვჩერდებით და ამ მიმართულებით სიახლეების დანერგვას აქტიურად ვაგრძელებთ. სამომავლოდ, ვგეგმავთ მომხმარებელს მობილბანკიდან კრიპტოვალუტებით ვაჭრობაც შევთავაზოთ“, - აცხადებს „საქართველოს ბანკის“ გენერალური დირექტორის მოადგილე, ზურაბ ქოქოსაძე.

„საქართველოს ბანკმა“ Galt & Taggart -თან და საერთაშორისო ფინანსური ტექნოლოგიების პლატფორმა DriveWealth -თან პარტნიორობით, რამდენიმე თვის წინ მომხმარებელს ინვესტირების სრულიად ახალი გამოცდილება შესთავაზა. პირველად საქართველოში, „საქართველოს ბანკმა“ პირდაპირ მობილბანკიდან აშშ-ს საფონდო ბირჟებზე ინვესტირება და ფასიანი ქაღალდებით ვაჭრობა შესაძლებელი გახადა.

„საქართველოს ბანკის“ ინფორმაციით, „ინვესტიციები“ შესაძლებელს ხდის, სულ რამდენიმე წუთში, ონლაინ საინვესტიციო ანგარიში გახსნათ და საქართველოში ყველაზე დაბალი საკომისიოებით, $1-დან წამყვანი საერთაშორისო კომპანიების აქციებში ინვესტირება დაიწყოთ.

თუ ჯერ კიდევ არ გამოგიცდია "საქართველოს ბანკის" ინვესტიციები, გადადი ბმულზე, გაიარე მარტივი რეგისტრაცია და დაიწყე ინვესტირება მობილბანკიდან: https://mbank.bog.ge/kZ6i